Wednesday, March 31, 2010

Saradaaki-22

నిన్న కాసెపు దుమ్ము రేపె చానెల్ చూసానో లేదో,చానెళ్ళ మీద టపా రాసెయ్యాలని ఆవేశం వచ్చేసింది.కాంతం,శంభులింగంల ని మళ్ళీ నెక్స్ట్ టపా లో కొనసాగిస్తాను.
నిన్న కాసేపు దుమ్ము రేపె చానెల్ చూసాను.కాసెపు ఎమో ఏదో వాస్తు యంత్రమో మరోటో గురించి యాడ్.ఇక నా సహనాన్ని కోల్పోయి చానెల్ మారుద్దామనుకుంటుండగా న్యూస్ స్టార్ట్ అయ్యింది.అందుకే అంటారు,కానున్నది కాకమానదు అని .ఆ న్యూస్ బులిటన్ అంతా ఒకటే టాపిక్ మీద అంటే నమ్మగలరా మీరు.
హైదరాబాదు లో కర్ఫ్యూ కదా,అలాంటి వాతావరణం లో మన దమ్మున చానెల్ వారు ఒక గర్భిణీని ఆసుపత్రి కి తీసుకెళ్ళారుట.అదీ సారాంశం.ఒకటే విషయాన్ని ఎన్ని రకాలుగా మార్చి మార్చి చెప్పవచ్చొ నేర్చుకున్నాను నేను.యాక్టివ్ వాయిస్,పేసివ్ వాయిస్ ఎక్సెట్రా లే కాకుండా ఇంకా మనము ఊహించలేనన్ని రకాలుగా అదే వార్తని చెప్పి మొత్తానికి ఆ బులిటన్ ని నింపేసారు.చివరాఖరుకి సదరు గర్భిణీ భర్త గారు దమ్మున్న చానెల్ కి ధన్యవాదాలు చెప్పే సీను మాత్రం భలెగా వుంది.చక్కగా బట్టీ పట్టి గడగడా పొగడ్తలు కురిపించేసాడు.ఓకే,సాయం చేసారు,గొప్ప పనే చేసారు.బట్ దానిని బ్రేకింగ్ న్యూసు గా వేసుకుంటూ,కింద స్క్రోలింగూ వేస్తూ,ఒక న్యూసు బులిటన్ అంతా అదే వార్త తో నింపెయ్యడం అవసరమా అని నా చిన్ని మెదడు కి అంతు పట్టని ప్రశ్న.ఒక్క చానెల్ నే తప్పు బట్టి ఎమి ప్రయోజనం చెప్పండి.అందరూ అందరే.ఇలా బ్రేకింగు న్యూసు లు బ్రేకీ,కుటుంబ పరువు బజార్న పడేసి(సదరు తండ్రి ఎలాంటి వాడయిన కాని,ఇలా చెయ్యకూడదు అని నా భావన) ఒక తండ్రి గుండె ని "బ్రేక్" చెసిన ఘనత కూడా మన ఛానేళ్ళ సొంతం.
మొత్తానికి ఇలా న్యూసు బులిటన్ మొత్తం ఒకటే వార్త తో నింపెయ్యడంతో హాశ్చర్యపోయిన నేను,నా బెటర్ హాఫ్ రాగనే చెవిన పడేసా ఈ వార్త,టీ20 లో లక్ష్మణ్ సిక్సర్ కొట్టినంత ఉత్సాహంగా.నన్ను వెర్రిపీనుగ లా చూసేసరికి అర్ధం కాలేదు నాకు.కాసేపటికి ఆ చానెల్ ఆన్ చేసి,తను నన్ను పిలిస్తే వెళ్ళాను.మరలా సేం టూ సేం న్యూస్.
ఇప్పుడు అర్ధం అయ్యింది,ఇంతక ముంది ఇచ్చిన లుక్కు కి అర్ధం.మొత్తానికి నా పరిస్తితి 6 కొట్టిన ఉత్సాహం లో నెక్స్ట్ బాల్ లో క్లీన్ బౌల్డ్ అయిన లక్ష్మణ్ లా అయ్యింది.
కాసెపటికి అదే చానెల్ లో మరొక ప్రోగ్రాం మొదలయ్యింది.కర్ఫ్యూ కారణం గా ఆగిపోయిన శుభ కార్యాల మీద చర్చ అది.ఒక పెద్దాయన ఏమో మా ఇంట్లో బారసాల ఆగిపోయింది అంటాడు.ఇంకొక ఆవిడ ఏమో రంగరంగ వైభవం గా చేద్దమనుకున్న వాళ్ళ చెల్లెలి కొడుకు పెళ్ళి ఆగిపోయింది అని బాధ పడుతుంది.
శుభ కార్యాలు ఆగిపోతే బాధే కాదు అని అనలేము కాని,ఏమీ చెయ్యలేము కదా.ఆ ప్రోగ్రాం చూస్తే నాకు ఏమనిపించింది అంటే,కర్ఫ్యూ కి కారణమయినా వారి మీద కంటే బయటకి వెళ్ళనీయటం లేదని పోలిఈసుల మీద అక్కసు ఎక్కువ గా గోచరించింది అందులో పాల్గొన్న వ్యక్తుల మాటల్లో.పైగా పోలీసులు అతి చేస్తున్నారని ఫిర్యాదు ఒకటి.ఇలా చెస్తే ఇలా అంటారు,లేకపోతే మా వైఫల్యమంటారు అని ఆ మధ్య ఒక పోలీసు మిత్రుడు వాపోవటం గుర్తు వచ్చింది నాకు. రంగ రంగ వైభవం గా పెళ్ళి చేదామనుకున్న ఆవిడ చెప్పిన ఒక మాట విని మూర్చ వచ్హింది నాకు.ఇలాంటి ముహుర్తం దాటిపోతే మరల 2 యేళ్ళ వరకూ లేదట.అలాంటి ముహుర్తం ఎమయ్యుంటుందబ్బ అని అనుకున్నా.సరే,నా లాంటి పామరులకి తెలీని ముహుర్త బలం కావచ్చు ఆ రోజుది,మరి అలాంటప్పుడు జస్ట్ వధూ వరులతో పెళ్ళి కానిచ్చి అంతా చక్కబడ్డాకా రంగ రంగ వైభవం గా రెసెప్షన్ ఇవ్వచ్చు గా అనిపించింది నాకు.ఇదే మాట తనతో అంటే,ఇలాంటి ఐడియాలు వస్తాయి కాబట్టే ఎవరూ టీవీలొ చర్చ కి ఆహ్వానించరు నిన్ను అని స్టేట్మెంట్ వచ్చేసింది అక్కడ నుండి.నోర్మూసుకుని మరలా ప్రోగ్రాం చూస్తున్న.ఇంతలో ఆ ప్రోగ్రాం కి ఒక ఆసామి కాల్ చేసాడు.హన్న,చేసిన వాడు,చర్చ జరుగుతున్న ఫ్లో కి అణుగుణం గా మాట్లాడాలా వద్దా,ఆహా,అలా కాకుండా,ఇదేదో అసలు పెద్ద విషయమే కానట్లు మాట్లాడి,అంత అర్జెంటు అయితే పెళ్ళి ముందు కానిచ్చేసి తరువాత విందు పెట్టుకోవచ్చు కదా అని నా అవిడియా లాంటి సలహా ఒకటి పారేసాడు.నేనయితా ఎక్సయిటింగా టీవీ వాల్యూం పెంచి చూస్తున్న,యాంకర్,పార్టిసిపెంట్స్ రియాక్షన్ కోసం.
ఎమి జరిగుండొచ్చంటారు?అల్లప్పుడెప్పుడో మన చిన్నప్పుడు "అంతరాయం" అంటూ మాటి మాటి కీ రోజారాణి,విజయ దుర్గ చెప్పే వారు చూడండి,అలాంటిది ఇక్కడ వచ్చిందన్నమాట.మన యాంకరు గారు,"హలో","హలో" వినపడట్లేదండీ,లైను కట్టయ్యింది,ఇంకొక కాలర్ లైన్ లో వున్నారు అంటూ చక్కగా అంతరాయం కలిగించేసాడు.అదేమిటొ తమకి అనుకూలం గా లేని కాల్స్ వస్తే తప్ప ఈ ప్రైవేటు చానెళ్లలో అంతరాయం రాదెందుకో.ఎనీ ఐడియా?

Friday, March 26, 2010

Saradaaki-21




ఒక వీక్ ఎండ్ ఉదయం భర్త ని నిద్ర లేపు దామని గది లో కి వెళ్ళిన భార్యామణి, కాంతం కెవ్వున అరిచింది.ఏమిటే,పొద్దున్నే తెలుగు సినిమా కాని చూసావా ఏమిటి విసుక్కుంటూ లేచాడు భర్త శంభులింగం.
అది కాదండీ ఈరొజు యేప్రిల్ ఒకటి అంది.అయితే ఏమిటే,మన మాజీ ఆర్ధిక మంత్రి లా కాకుండా కాస్త అర్ధం అయ్యెటట్లు చెప్పు అన్నాడూ దీనం గా.'అదేనండీ,నాలుగు నెలల్లో నాలుగు అంగుళాలు లోపలకి పొట్ట తగ్గిస్తాము అంటే ఆ కుప్పి గెంతుల ప్రోగ్రాం లో జాయిన్ అయ్యారు మొన్న జనవరి ఒకటిన గుర్తు వుందా అడిగింది.కాని ఇప్పుడు చూడండి,అసలు 4 సెంటీఎ మీటర్లు కూడా తగ్గలేదు,అంటే మన డబ్బులన్నీ....." అంటూ ఏడుపు మొదలెట్టింది.
"అది కుప్పి గెంతులు కాదే,మొన్ననే గిన్నీసు పుస్తం ఎక్కిన లబ్డబ్ వాల ఏరోబిక్స్" గొప్పగా చెప్పాడు. ఏది అయితే ఏమి లెండి మీ పొట్ట తగ్గలేదు గా దిగులు గా అంది.పోనీ లేవె,ఏదో ఎక్కువ కష్టపడక్కర్లేకుండా పొట్ట తగ్గుతుంది అని జాయిన్ అయ్యను కాని,మరో ఉపాయం ఆలోచిద్దాము అన్నడు.నిజం చెప్పొద్దూ,ఈ పొట్ట కంటే నా బట్టతల మా చెడ్డ దిగులు గా వుంది నాకు విచారం గా చెప్పాడు శంభులింగం.పెద్ద డ్రమ్ము లా అయ్యాను అని మా వాకింగు క్లబ్బు మెంబర్స్ అంటూన్నారండీ అంటూ తన బాధ పంచుకుంది కాంతం.
ఎందుకు మనకి ఈ కష్తాలంటావు కాంతాన్ని అడిగాడు.ఏమో అండీ,నెను రొజూ వాకింగు చేస్తున్నా మా క్లబ్బు మెంబర్స్ తో కలిసి,మీరేమో ఆ లబ్డబ్ లో కుప్పి గెంతులు వెస్తున్నారు.మధ్య మధ్య లో మంతెన గారి డయిటు ఫాలో అయినా రిజల్ట్ రాకపోవడానికి కారణం తట్టలేదు ఇద్దరికీ.అంతే,వెంటనే కారణం అన్వెషించడానికి పూనుకున్నారు ఇద్దరూ ఆరోజు.
మధ్యాహ్నం టీవీ చూస్తున్నారు ఇద్దరూ చెరో గదిలో కూర్చుని. "మను" సిస్టర్స్ ఇబ్బంది లేని వెయిట్ లాస్ ట్రీట్మెంట్,"బాధిక " గారి బట్ట తల మీద జుట్టు మొలిపించే ప్రోగ్రాం ఇద్దరినీ ఆకర్షించాయి.అంతే,వెంటనే కాంతం మనూస్ కి,లింగం బాధిక గారి క్లినిక్ కీ ఫోను చేసారు.
యక్చుయల్లీ ఈ వారం అపాయింటుమెంట్లు లేవు కాని మీరు టీవీ లో ప్రోగ్రాం చూసిన వెంటనే చేసారు కాబట్టి మీకు స్పెషల్ అప్పాయింటుమెంటు మరియు గిఫ్ట్ హ్యాంపర్ అంటూ చెప్పేసరికి ఇద్దరూ కెవ్వుమని అరిచారు ఆనందం తో.
తల మీద జుట్టు తో కొత్తగా కనిపిస్తున్న హర్షా భోగ్లే లో తనని లింగం ఊహించేసుకుంటే,కాసేపు పోకిరీ హీరోయిన్ను తానే అయిపోయింది కాంతం.ఇద్దరూ తమ తమ న్యూ లుక్కు తో ఎలా వుంటామో ఊహించేసుకుంటూ లింగం బాధిక గారి క్లినిక్ కీ కాంతం మనూస్ క్లినిక్ లోకీ కుడి కాలితో అడుగు పెట్టారు.
ముందు మనము కాంతం క్లినిక్ లో కి వెళ్దాము.
"వెల్కం మేడం,మనూస్ కి స్వాగతం,ప్లీజ్ టేక్ యువర్ సేట్" తియ్యగా పలికిందో గొంతు.తనని ఒక గదిలో కూర్చోబెట్టారు.అక్కడ కూర్చుని అందరినీ గమనించ సాగింది.వచ్చిన వారందరినీ తలా ఒక గదిలో కూర్చో బెడుతున్నారు.ఇంతలో ఒకావిడ వచ్చి ఏదో సీడీ పెట్టి టీవీ ఆన్ చేసి వెళ్ళిపోయింది.మొదట తెర మీద దాదాపు తన సైజు లో వున్న ఆకారం ఒకటి ప్రత్యక్షం అవ్వగానే ఉలిక్కి పడింది కాంతం.ఏమిటి తనేనా కొంప దీసి అని.వెంటనే అదే ఆకారం మెరుపు తీగ లా వుంది.ఇంతలో స్క్రీన్ మీద ఒకావిడ ప్రత్యక్షమయ్యి "ఏమిటీ ఆశ్చర్య పోతున్నారా",రెండు ఫొటో లూ ఒకరివే సుమా,మీరూ అలా అవ్వాలనుకుంటున్నారా,అయితే మీరు సరి అయిన ప్లేస్ కి వచ్చారు,కంగ్రాట్స్ అంది".
కాంతానికి అంతా కల లాగ వుంది తను అలా అవుతుంది అనుకుంటోంటేనే.ఈ ఫొటో లో ఆవిడ తిండీ వగైరా మానేసి ఇలా అయ్యిందనుకుంటున్నారు కదూ,కానే కాదు,అన్నీ తింటూనే మా దగ్గర ఇలా అయ్యే ఆస్కారం వుంది,కావాలంటే చూడండి అంటూ తమ ఆఫీసు అంతా అలా ఒక్క సారి చూపించింది యాంకరమ్మ.అన్ని షెల్ఫు ల నిండా బోలెడన్ని తినుబండారాలు.

కాంతానికి ఆనందం ఆగట్లేదు.ఇలా ఇవన్నీ తింటూ కూడా మెరుపు తీగ అవ్వటం ఎలాగో మా ఎక్జిక్యూటివ్ మీకు వివరిస్తుంది అంటూ యాకరమ్మ అంతర్ధాన మవడం తరువాయి,పొట్టి బట్టలేసుకున్న ఒక అమ్మయి వచ్చి తనకెదురుగా కూర్చుంది.
పేరు,ఎత్తు వగైరా వివరాలు రాసుకుని,తనని పక్కనే వున్న వెయింగ్ మిషన్ మీద నిలుచోమంది."మేడం!"మీరు వుండాల్సిన దానికన్న 22 కిలోలు ఎక్కువ వున్నారు తెలుసా అడిగింది పొట్టి బట్టలమ్మాయి.ఇలా వుండటం వల్ల ఏ యే రోగాలు వచ్చే ఆస్కారం వుందో అన్ని రోగాల పేర్లూ చెప్పేసింది గడగడా ఆపితే ఎక్కడ మర్చిపొతుందో అన్నట్లు.


కాంతానికి హార్ట్ యటాక్ తప్ప వేరేది ఒక్కటి అర్ధం అయితే ఒట్టు.మీరు తెలివయిన వారు కాబట్టి ముందె రియలజు అయ్యి మా దగ్గరకి వచ్చినందుకు మిమ్మల్ని అభినందిస్తున్నాను అనేసరికి ఒక వెర్రి నవ్వు నవ్వింది కాంతం.ఇంతలో ఇంకొక అమ్మయి లోపలకి వచ్చింది పెద్ద కాగితాల దొంతర తీసుకుని.మేడం,మీకు మా ప్రోగ్రాం గురించి మరిన్ని వివరాలు ఇందులో వున్నయి చూడండి అంటూ ఒక తళతళ ళాడే మ్యాగజీను అందించింది.మొదటి రెండు పేజీలలో మనూస్ సిస్టర్స్ సాధించిన విజయాలు,వాళ్ళ క్లంట్లు ఇక్కడకి వచ్చాక ఎన్ని కిలో లు తగ్గినదీ వివరాలు పొందుపరిచారు

గుళ్ళో వుండే చందా పట్టీ లాగ.తానూ అలా అవ్వబోతోంది కొద్ది రోజులలో అన్న ఊహ నిలనివ్వడం లేదు కాంతాన్ని.వెంటనే పుస్తకం మూసేసి ప్రోగ్రాం ఎప్పుడు మొదలెడతారు ఆశ గా అడిగింది.అప్పటి వరకు సీయం సీటు కోసం ఎదురు చూసే ఒక ఉత్తరాంధ్ర నాయకుడు లాగ కూర్చునా ఆ అమ్మాయి వెంటనే ఒక కాగితాల దొంతర అందించింది కాంతానికి.
అక్కర్లేదు నాకు అంతా అర్ధం అయ్యింది గా ఇంక ఏమీ చదవక్కర్లేదు అంది ఎక్సయిటింగ్ గా కాంతం.ఇది ప్రోగ్రాం వివరాలు కాదు మేడం,కాసిని సంతకాలు కావాలి మీవి అని అడిగింది.కొంప దీసి ఇవి నా ఆస్తి పేపర్లు కావు కదా అంటూ వాటిని పరిశీలించింది తనకున్న ఆంగ్ల పరిగ్నానం తో.కాంతం ఇబ్బంది గమనినించిన ఆ అమ్మాయి "ఇదేమీ పెద్ద సీరియస్సు విషయాలు కాదు మేడం,మీరు మధ్యలో మానేసి వెళ్ళిపోయి సన్న బడలేదు అని మమ్మల్ని అనకుండా అంతే"అంటూ తేలిగ్గా నవ్వేసింది.అసలు తను చివరి దాక వదిల్తే కదా అనుకుంటూ ఒక మాజీ ముఖ్యమంత్రి లాగ ఎడాపెడా సంతకాలు గీకేసింది కనీసం ఏమీ చూడకుండా."మా ప్రోగ్ర్రం మొత్తం కాస్టు లక్ష రూపాయలు" అనగానే లేచి నిల్చుంది కాంతం.
*మేడం ఆవెశ పడకండి,మీరు యెర్లీ కస్టమర్ కాబట్టి మీకు ఫీజు రాయితీ,నలభై వేలు మాత్రమె,పైగా మీ కుటుంబ సభులందరికీ మా పార్లర్ లో ఉచిత సర్వీసు కూడా మీ ప్రోగ్రాం పీరియడ్ లో" అనేసరికి ఆనందం తో పిచ్చి గంతులేసి "ఆజ్ మై ఊపర్" అని పాడుకోవాలనిపించిన కోరిక ని అదిమి పెట్టి వెంటనే చెక్కు రాసి ఇచ్చేసింది.మీరు రేపటి నుండీ రావచ్చు మేడం,అంటూ రసీదు తో పాటు మనూస్ సిస్టర్స్ అని పెద్ద పెద్ద అక్షరాలతో రాసి వున్న ఒక బ్యాగ్ అందించింది.దానిలో రంగు రంగుల పేపర్ల లో చుట్టిన గిఫ్ట్స్ కేసి అదో లా చూస్తున్న కాంతాన్ని చూసి ఆ అమ్మాయి,మీరు వన్ టైం పేమెంట్ చేసినందుకు మా తరపునుండి చిన్న గిఫ్ట్ హ్యాంపర్ అనగానే అలా గాలిలో తేలుకుంటూ బయటకి వచ్చింది.
ఇక అక్కడ బాధిక గారి క్లింక్ లో లింగం ని చూద్దాము రండి.
లింగం లోపలకి అడుగు పెట్టగానే ఒక అమ్మాయి నవ్వుతూ పలకరించింది.మీరు దేనికోసం వచ్చారు అంటూ.మొహమాట పడుతూనే తన అరగుండు ని చూపించాడు.ఇదేమీ అంత ఫీల్ అవ్వల్సిన విషయం కాదు అన్నట్లు గా నవ్వేసి ఆ అమ్మయి పేరు గట్రా వివరాలు తీసుకుని పక్క కౌంటర్ లో కి పంపింది.అక్కడ తెల్ల కోటు వేసుకున్న ఒక అమ్మయి తన తల మీద ఏదో పెట్టి ఎదురుగా కంప్యూటర్ లో చూపిన్స్తోంది.చూడండి లింగం గారూ,మీ తల మీద అసలు వెంట్రూకలు లేవు(ఇది తెలుసుకోవటానిక ఇక్కడకి వచ్చాను అనుకున్నాడు లింగం) ముందు భాగం లో,మీరు ఈ పాటికే ఆ నూనే ఈ నూనే అన్నీ ఈ గుండు మీద రాసి మర్దనాలూ వగైరా చేసేసి వుంటారు,కాని జుట్టు మొలవలేదు కదా ఈ గుండు మీద అనేసరికి షాక్ తిన్నాడు లింగం ఇవన్నీ వీళ్ళకి ఎలా తెలిసాయా అని.
చిద్విలాసం గా నవ్విన ఆ అమ్మాయి,మీ గుండు మీద జుట్టు మొలిపించడం అసాధ్యం కాదు మా క్లింక్ లో అనేస్రికి లింగం పాపం కొంచం ఫీల్ అయ్యాడు మాటిమాటికీ గుండు గుండు అంటోంటే.అయినా బాధ అణచుకుని ఆ అమ్మయి వైపు దీనం గా చూసాడు.ఇదిగో అక్కడక్కడ మీ గుండూ మీద వెంట్రుకలు వున్నాయి,కాని అవి బయటకి రావటం లేదు.అసలు అంటూ గుండు మీద వెంట్రుకలు వున్నాయి కాబట్టి మా ట్రీట్మెంట్ తో ఆ జుట్టు మీ గుండు అంతా విస్తరించేటట్లు చేస్తాము అనేసరికి బాధ లో నూ ఆనందం వేసింది లింగానికి."బాధే సౌఖ్యమనే" అంటూ పక్కన టీవీ లో నుండి ఘంటసాల గీతం వినిపించింది.

"హెలో వరల్డ్" ప్రొగ్రాం లేకుండా ప్రొగ్రామింగు లాగ్వేజెస్ నేర్చుకోలేనట్లు యే క్లినిక్ కి వెళ్ళినా తమ సంస్థ "విజయాల" గ్రంధం చదవటం తప్పనిసరి.

ఇక్కడా లింగానికి తమ సంస్థ సాధించ్న ఘనత,తమ ఎండీ బాధిక గారు అమెరికా లో పట్ట అందుకుటున్నపటి ఫొటోలు,వీరు జుట్టు మొలిపించిన వారి వివరాలు అన్నీ పొందుపరిచిన ఒక చిన్నపాటి గ్రంధాన్ని అందించారు.

ఆల్రెడీ లబ్డబ్ వాల ఏరోబిక్స్ లో ఇవన్నీ చూసి వుండటం తో వారు చెప్పేదంతా విని గబ గబా ఆ సంతకాలు గీకేసాడు అడిగిన చోటల్లా.

పంజాబ్ ఎలెవెన్ ని కొనుక్కున ప్రీతీ జింటా మొహం లో లాగ ఆనందం తాండవిస్తుండగా బయటకి వచ్చి కాంతానికి ఫోను చేసాడు.ఒక మాజీ ముఖ్యమంత్రి గారి విజన్ 2020 లా,తాము సాధించబోయే డ్రీం ఫిగర్ లలో ఎలా వుంటామో ఊహించుకుంటూ ఇల్లు చేరారు.

ఇక వారు అలా ముందుకు పోతూ వారి ఆసయాన్ని సాధించార,ఎలా సాధించారు అనెది నెక్స్ట్ టపా లో చూద్దాము.

Thursday, March 25, 2010

Saradaaki-20

మొన్న ఆ మధ్య ఫ్యాషన్ టీవి ని బ్యాన్ చెయ్యలి అన్న నినాదం చూసి నవ్వు ఆగలెదు నాకు.మన చానళ్ళు చూపించె స్వాముల లీలలు కాని,మసాజ్ సెంటర్ ల వీడియో లు కంటే ఫ్యాషన్ టీవి చాల నయం.ఏదొ పేరుకి బ్లర్ చెసి రెండో తరగతి పిల్లడి కి కూడా అర్ధం అయ్యేలా వుంటాయి మన చానెళ్ళ వీడియోలు.నేను పురుష పక్షపాతి ని అన్న సరే,ఒకటి మాత్రం నిజం.కామ స్వాముల మీద,వెధవ వేషాలు వేసె సెలిబ్రిటీల మీద స్టూడియోలలో కూర్చుని నోరు పారెసుకునే మహిళా సంఘం నాయకురాళ్ళకి,స్టూడియోలలొ తమ వెనకాల టీవీలలో పదే పదే ఆ ద్రుశ్యాలు ప్రసారమయినా ఇబ్బంది కలగదు కాబోలు.
ఆరెయ్యాలి,ఉతికెయ్యలి అంటూ విరుచుకుపడే ఆ సో కాల్డ్ మహిళా సంఘం నాయకురాళ్ళకి ఆ ద్రుశ్యాలు ఆపమని చెప్పే ఇంగిత గ్నానం లేకపోవడం నిజంగా విచారకరం.ఈ అరుపులు, గీ పెట్టడాలు ఆ స్టూడియో లొ వున్నంతవరకే సుమా! వెంటనే ఆ నాయకురాళ్ళ నోరు ఎందుకు మర్నాటి కల్లా మూత పడుతుందో,ఆ పెరుమాళ్ళ కెరుక.

ఇకపోతే మొన్న ఒకరోజు అలా టీవి చానెళ్ళు తిరగేస.ఈ మధ్య న్యూస్ చానెళ్ళు ఎక్కువయ్యై కదా.ప్రతీ వాడికీ డిఫరెంట్ న్యూసు ఎక్కడ దొరుకుతుంది చెప్పండి.జాతీయ అంతర్జాతీయ వార్తలని పదే పదే పొద్దున నుండీ చూపించి ఇక ప్రాంతీయ వార్తల మీద పడతారు.ప్రతిపక్షనికి అనుకూలం గా వుండే పార్టీ ఎమో అసలు రాష్టం లో ప్రభుత్వం వుందా,ఇదిగో ఇలా అధ్వనం గా వుంది పరిస్థితి అంటూ భయంకర కధనాలతో ఊదరగొట్టెస్తుంది.ప్రభుత్వానుకూల చానెల్ ఎమో ప్రభుత్వం బ్రహ్మాండం అంటుంది(హండ్రెడ్ పర్సెంట్ ప్రభుత్వానుకూల చానెల్ ఇప్పుడు లెదనుకోండి,అది వేరే సంగతి).ఏది నమ్మాలో నా లాంటి వాళ్ళకి ఒక పటాన అర్ధం కాదు.అర్ధం చేసుకోవటానికి మళ్ళీ మళ్ళీ చూడటం తో చానెళ్ళు అలా నా లాంటి వారి వల్ల మనుగడ సాగించేస్తున్నాయి అని నా నమ్మకం.

ఇక ముఖ్యం గా ప్రాంతీయ వార్తలు అంటే వుండేది డిఫరెంట్ మనుషుల డిఫరెంట్ విన్యాసాలు.ఒకడేమో బల్లు లనో,దోమల నో కర కరా నమిలెస్తాడు జంతికల లాగ,ఇంకొక చిన్నపిల్లడేమో ప్రపంచ నాయకులని గుర్తించెస్తూ వుంటాడు.లేదా మిమిక్రీ చెస్తూ వుంటాడు.మరొకడేమో రరకాల బొమ్మలని సీసాల లో నో ఇంకెక్కడో వేస్తూ వుంటాడు.పోనీ వార్త ప్రసారం చేసి ఊరుకుంటారా అంటే అదీ లేదు.ఆ "కళాకారులు",రిపోర్టర్లు చివర్లో వీరిని ప్రభుత్వం ఆదుకుని ఆర్ధిక సహాయం అందిస్తే ఇంకా రాణిస్తారు అనే ముక్తాయింపొకటి.ఎందుకు ఆదుకోవాలి అసలు నాకు అర్ధం కాదు.
ప్రభుత్వం ఏమన్న "బాబూ! నువ్వు అన్నం మానేసి బల్లులని పిల్లులని తిను" అని చెప్పిందా?లేదా ఖరీదయిన కళ ని ప్రాక్టీసు చేయమందా?యే పిల్లడికి అయినా కాని పాము బొమ్మ ని పదే పదే చూపిస్తే పాము అంటాడు ఎక్కడ చూసిన కాని.రాజకీయ నాయకులనో,సెలెబ్రిటీలనో పదే పదే చూపిస్తే గుర్తు పెట్టుకుంటాడు.అందులో వింత ఏమిటో,ప్రభుత్వ సహాయం ఎందుకో మీకు అర్ధం అయిందా?మన రాజకీయ పార్టీలు ఎన్నికల వాగ్దానం లో భాగం గా "ఆదుకునే" మంత్రిత్వ శాఖ ఒకటి ఏర్పాటు చేస్తామన్న ఆశ్చర్యం లేదు వోట్లు దండుకోవడనికి.


Thursday, March 11, 2010

Saradaaki-19

పరీక్షల సీజన్ కావడంతో పిలిచిన వారి అందరి మొరలు విని విని అలసిపోయి వుంది సరస్వతీ దేవి.విద్యార్ధులు అంతా పరీక్ష లకి వెళ్ళిపోవటంతో కాస్త అలా రెస్టు తీసుకుందామని నడుం వాల్చింది.
ఇంతలో గేటు తీసుకు వస్తున్న ఇద్దరు అతిధులని చూసి ఆశ్చర్యపోయింది.వచ్చినవారు తెలుగు వర్ణమాల లో ని "ళ" మరియు 'శ". ఇదేమిటి మీరు ఇక్కడకై వస్తే ఎలాగ,తెలుగు భాష కళ తప్పిపోదూ ఆత్రుతగా అడిగింది వారిని సరస్వతి.
ఏమి కళొ లేమ్మా,అసలు మా ఉనికి పట్టించుకునేది ఎవరు,ఆ "ల" వుంది చూడు అది నా స్థానన్ని భూ బకాసురుల కంటే త్వరగా ఆక్రమించేసుకుంది అంటూ తన గోడు వెళ్ళబోసుకుంది "ళ"."అదేమిటి,మీలో ఎవరి స్థానం వారిదే కదూ,ఇదేమయినా భారత దేశ రాజకీయమా ఎవరయినా యే మంత్రిత్వ శాఖ ని అయినా చేపట్టడానికి?" ఆశ్చర్యపోయింది చదువుల తల్లి.

కొంపదీసి,ఇదేమి యాస తేడా కాదు కదా,నువ్వు ఇలా పొరపడడానికి అడిగింది "ళ" ని.అసలే యీ యాస,భాష గొడవలతో తెలుగు తల్లిని విడగొట్టేసారు.తనని కూడా అలా చెస్తారేమో అని ఆవిడ భయం.
నీకు చెప్తే అర్ధం కాదు లేమ్మ,స్వయం గా చూద్దువు గాని రా అని చెప్పటంతో వచ్చిన అతిధులతో కలిసి ఆంధ్ర రాష్ట్రానికి
బయలుదేరింది సరస్వతి.

మెల్లిగా ఒక ఇంటిలోకి ప్రవేశించి ఆ ఇంటిలో మోగుతున్న "ఆంధ్ర కోతి"చానెల్ వార్తలని వీక్షించసాగారు.
"రిసెషన్ ఎఫెక్టా ఏమిటి,పాపం న్యూసు చదవటానికి కుర్చీ కూడా లేదు" మనసులో అనుకుంది సరస్వతి.
ఇంతలో అవతలనుండి రిపోర్టరు చెప్పడం మొదలెట్టాడు.
"ఇవాల అసెంబ్లీ వాయిదా పడింది విపక్షాల వాకౌట్ తో,మల్లీ సమావేషం అయినప్పుడు పురుషుల బిల్లు చర్చకు వస్తుంది స్వప్నా"
విన్నావా తల్లీ అన్నట్లుగా చూసారు "ళ" మరియు "శ".
"ఏదో ఒక్కరు అలా మాట్లాడుతున్నరని మిమ్మల్ని ఎవరూ పట్టించుకోవట్లేదంటే ఎట్లా?" కోప్పడింది సరస్వతి.ఈ రోగం హీరోలకి కూడా వుంది తల్లీ,చూడు అంటూ మరో చానెల్ లో వస్తున్న సినిమా చూపించారు.అందులో ఒక 'పర్ఫెక్ట్"హీరో,హీరోయిన్ తో చెప్తున్నాడు.
"నా కల్లల్లోకి చూడు మహలక్ష్మి,నా ప్రేమ కనపడుతుంది నీకు.మా పేదోల్ల ప్రేమ గొప్పది తెలుసా!మీ డబ్బున్నొల్లతో ఇదే గొడవ,ఏదీ నమ్మరు"
అయినా సరస్వతి కి నమ్మకం కుదరలేదు."ళ",'శ" లకి కొపం వచ్చెస్తోంది,కానీ తమాయించుకుని ఇంకొక సినిమా చూపించారు.అందులో హీరొ ఆరడుగుల అందగాడు.విలన్ ని చితక్కొట్టి ఇలా చెప్తాడు.
"ఇదిగో మల్లీ కాని నా మహా వైపు చూసావో,కల్లు పీకేస్తా".ఆగలేక సరస్వతి ఇంకో చానెల్ మార్చింది.అందులో ఒక ఆరోగ్య కార్యక్రమం వస్తోంది.అదులో యాంకరమ్మ ఇలా చెప్తోంది.
"మన షరీరం లో ఈ వేసవి లో జరిగే మార్పులు ..." ఇంక వినలేక సరస్వతి చెవులు మూసుకుంది.ఇలా సరస్వతీ దేవి ఎన్ని చానెల్సు మార్చినా అన్నింటా ఒకటే పరిస్థితి అని అర్ధం అయ్యింది.ఎక్కడా "ళ","శ" ఆనవాళ్ళు లేవు.
పోనీ 'ల" ని పిలిచి మందలిస్తే ఎమయినా ఉపయోగం వుంటుంది అనుకుని 'ల" ని పిలిచింది."ళ" స్థానం ఆక్రమిచుకొవడం తప్పు కదూ,సున్నింతం గా మందలించింది సరస్వతి.
"బాగుందమ్మ నీ వరుస,పలకడానికి ఈజీ అని అందరూ నన్ను ఎక్కువ గా వాడుతోంటే నా తప్పు అంటా వేమిటి" ప్రశ్నించింది "ల".కాలం తో పాటు మారాలి మనము కూడా,"అలు","ఱ","ఞ" ఇంకా ఇతర అక్షరాలు కాలం చెల్లిపోగానే నీ దగ్గర విశ్రాంతి తీసుకోవట్లేదూ."ళ" ని కూడా హాయిగా కూర్చోమను,నా కాలం చెల్లినప్పుడు నేనూ వస్తా" అని సలహ ఒకటి పారేసి తుర్రుమంది "ల" తాను లేకపొతే తెలుగు భాష తల్లడిల్లుతుందని.

ఇక తన పరిస్థితీ అదే అని తెలిసి "ళ" తో పాటు సరస్వతీ దేవి తో బ్రహ్మ లోకానికి పయనమయ్యింది "శ".

Tuesday, March 9, 2010

Saradaaki-18

ఈ మధ్య విదేశాలలో మన రుచులు బాగా క్లిక్ అయ్యయి అని విన్నాను.
అలాగే విదేశాలలో కూడా మన చానెల్సు ప్రసారాలు ప్రారంభం అయ్యయి.కాని విదేశీయులకి అర్ధం కాదే మన భాష,24 గంటలూ చూడాలంటే.సో,వీరికి అనగా మన చానెల్సు వారికి విదేశాలలో ఒక్క చాన్సు ఇచ్చి చూడండి ఎంత పాపులర్ అయిపోతారో.
అలాగే పని లో పని గా వీరి సేవలను నాసా కి కూడా కమీషన్ బేసిస్ మీద అందివ్వచ్చు కూడా.ఎందుకంటే,ప్రళయం ఎప్పుడొస్తుందో,వస్తే ఎలా వుంటుందో కూడా చెప్పడం లో మన వాళ్ళు ఎప్పుడో పండిపోయారు కదా.ఇక వీరు చేసే సునామి హెచ్చరికలు ఎలా వుంటాయి అంటే,ఒకోసారి అనిపిస్తుంది నాకు,ఒక్కసారి వీరిని అభివ్రుద్ధి చెందాయనుకుంటున్న దేశాల వారికి చూపించాలి,హెచ్చరిక అంటే ఇలా వుండాలి సుమా అని.
ఒకసారి చాన్సు ఇచ్చి చూడమనండి అమెరికా వాళ్ళాని,9/11 రహస్యాన్ని ఇట్టే పట్టేయరూ మన చానెల్సు వాళ్ళు?కాకపోతే ఆ రహస్యాన్ని చేదించేవరకు 9/11 దృశ్యాలని 24/7 వీక్షించక తప్పదు అని కండీషన్ పెట్టాలి.ఇక క్లింటన్ మోనికా కేసు ని మన దమ్మున్న చానెల్ ఎంత రక్తి కట్టించేదో ఊహించుకుంటేనె తెలుగోడి చాతీ ఒక 3 అంగుళాలు అలా ఉప్పొంగుతుంది,మన ఖ్యాతి విశ్వవ్యాప్తమయినందుకు.
ఇక విదేశీ ప్రముఖులు పెళ్ళిళ్ళు చేసుకునేముందు ఒక్కసారి మన వారిని సంప్రదిస్తే సరీ,చక్కగా ముని మనుమరాళ్ళ తరం వరకు కలిసే వుంటారో మరుక్షణమే విడిపోతారో చెప్పెస్తారు మహా ఎక్సయిటింగా.సో ఒకేరకమయిన కార్యక్రామలకి విసిగి పోయిన విదేశీ ప్రేక్షకులకి మన రుచి ఒక్కసారి చూపిస్తే సరి.ఏమంటారు?
పునర్జన్మలు,దెయ్యాల పట్ల విదేశీయులకి వున్న నమ్మకాలు మన చానెల్సు కి బంగారు బాతులే.జాతక చక్రాలు గట్రా వేసి రెమెడీస్ ఇవ్వడానికి ఇక్కడ స్కాండల్సు కి భయపడి విదేశాలలో తల దాచుకుంటున్న బాబాలు వుండనే వున్నారు కదా!ఇంకా,పెద్ద లంచావతారాలని చక్కా వదిలేసి,100-200 డాలర్లు తీసుకునే వారిని పదే పదే చూపిస్తాయి.అలాగే సంచలన హత్యలు చేసిన వారితో రహస్య ఇంటర్వ్యూలు మామూలే అనుకోండి.ఎలాగూ మన వాళ్ళు మన దేశం లో మామూలు వాతావరణం లో వుండే వగరుస్తూ రిపోర్ట్ చేసి రక్తి కట్టిస్తారు,ఇక విదేశాలలో మాంచి చలికాలం లో మన వారి రిపోర్టింగ్ ఊహించుకోండి.మీడియా కి కాని ఆస్కార్ వుంటే అది మనకే అని భారతీయులకి నేను గ్యారంటీ ఇస్తున్నాను ఈ బ్లాగు ముఖం గా.సో కదలండి,రెహ్మాన్ తరువాత మరో ఆస్కార్ గెలుచుకునే సువర్ణావకాశం ముంగిట్లొనే వుంది.ప్రతీ దానికీ లక్ష సంతకాల సేకరణ ఫ్యాషన్ కదా మన రాష్త్రం లో.దీనికి కూడా మొదలు పెట్టండి.ఆలసించిన ఆశాభంగం.

Monday, March 1, 2010

Saradaaki-17

వచ్చే వేసవి కి ఎలాగయినా తన సినిమ అఒకటి విడుదల చేసి మాంచి హిట్టు కొట్టాలన్న కసితో వున్నాడు నిర్మాత బంగారయ్య.కధలు దొరికత్లేదాయె సినిమాకి.పోనే తనే కధ సమకూరిస్తే?ఆ ఆలొచనే భయంకరం గా అనిపించి
విరమించుకున్నాడు.ఆఖరి అస్త్రం గా టీవీలలో ప్రకటన ఇచ్చాడు మంచి కధ చెప్పిన వారికి బహుమతి అహి.ఇంకేమి బంగారయ్య ఆఫీసు అదేదో పార్టీ "గర్జన" ని తలపించింది.కానీ ఎవ్వరూ తమ కధలతో బంగారయ్య ని ఇసుమంతయినా ఇంప్రెస్ చెయ్యలేకపొయారు.ఎమిటయ్య ఇంక కధలే లేవా మనకి,ఎంత సేపూ ఫ్యాక్షన్,విదేసీ ప్రెమలు,ఫీల్ మై లవ్వు లు ఇవి తప్ప మీ బుర్రలు కొంచం కూడా ముందుకు పోతా వున్నట్లు లేవె విసుక్కునాడు తనకి కధ వినిపించడానికి వచ్చిన రచయిత మీద.నా దగ్గర ఒక డిఫరెంట్ లవ్ స్టోరీ వుంది సారు అయితే ఉత్సాహంగా అరిచాడు వ.ర.(వర్ధమాన రచయిత).లవ్ స్టోరీలు ఇదిగో ఇన్ని వచ్చాయి ఇప్పటివరకు అంటూ తన జుట్టు చూపించబోయి నాలిక్కరచుకున్నాడు తనది బట్ట తల అని గుర్తు వచ్చి.టీనేజీ,కాలేజీ లవ్వు స్టూరీలు చూసే రేంజి దాటిపోయారయ్యా ప్రెక్షకులు అసహనం గా
అన్నాడు."డిఫరెంట్" అని చెప్పాను కదండీ సాగదీసాడు వ.ర.

కాలేజీ,టీనేజీ లవ్వు స్టోరీలు వినిపించావంటే "ఖతర్నాక్"సినిమా చూపించెస్తా జాగ్రత్త హెచ్చరించాడు బంగారయ్య.అంతే,ఆ మాటకి బిగుసుకుపోయాడు వ.ర..హమ్మయ్య దారిలోకి వచ్చాడు అనుకున్నాడు మనసులో సంబరం గా మన నిర్మాత.వ.ర. కధ చెప్పటం ప్రారంభించాడు.

"ఇదేదో మీరు అనుకున్నాట్లు టీనేజీ,కాలేజీ లవ్వు స్టొరీ కాదు.లెదా మీరు ఎక్స్ పెక్ట్ చేసినట్లు యే "10 th class" లేదా 'నోట్ బుక్" కధ అంతకన్న కాదు.ఇందులో హీరొ గారి ప్రేమని హీరోయిన్ను ఫీల్ అవ్వాల్సిన అవసరం కూడా లేదు.అలా సాగిపోతుంది అంతే.
ఈ స్టొరీ ఒక స్కూలు లో యూ.కే.జీ.తరగతి బెంచీ మీద మొదలవుతుంది.హీరో పెన్సిలు ముల్లు విరిగిపోతుంది ఎగ్జాము మధ్యలో.హీరో పేదవాడు కాబట్టి ఇంకొక పెన్సిలు వుండదు,అంతే హీరో అవస్త చూసిన పకక్ బెంచీ అమ్మాయి(హీరోయిను)తన పెన్సిల్ తీసి ఇస్తుంది.అంతే,"ఠడా" "ఠడా" అంటూ బ్యాక్ గ్రౌండ్ మ్యూజిక్ వస్తుండగా హీరో,ఆ అమ్మయి చేతిలో నుండి పెన్సిలు అందుకుని పరీక్ష అందరి కంటే ముందుగా రాసేసి పొలం గట్టు మీద పాట పాడుకొవడానికి వెళ్ళిపోతాడు"చెప్పడం ఆపి బంగారయ్య వంక చూసాడు వ.ర.ఎక్కడొ వున్నాడు
బంగారయ్య,ఇలాంటి "డిఫరెంట్"స్టొరీ ని ఎప్పుడూ వినలేదయ్య కానీయ్యి,తరువాత ఎమిటి ఆత్రం గా అడిగాదు.మన వ.ర. మళ్ళీ మొదలెట్టాడు.

"ఈ విషయం హీరోయిన్ను నాన్నకి తెలుస్తుంది.ఆయనేమో ఒక పెద్ద పారిశ్రామిక వేత్త.అంతే,ఆయన తన మందీ మార్బలం తో హీరో గుడిస మీదకి వస్తాదు ఒక 10 క్వాలిస్ లతో "ఠిరడా","ఠిరడా" అనే బ్యాక్ గ్రౌండ్ మ్యూజిక్ వస్తుండగా.అప్పుడే మన టైటిల్సు వెయ్యలి సార్,సలహా కూదా ఇచ్చెసాడు పనిలోపనిగా వ.ర.
ఈయన వస్తుండగా దూరం నుండి హీరో ని ఎల్.కే.జి.నుండీ మూగగా ఆరాధిస్తున్న అమ్మయి చూసి హీరో కి చెప్తుంది.అంతే,ఇంట్లో చదువుకుంటున్న మన హీరోగారు ఠక్కున పైకి లేవగానే హీరోయిను ఇచ్చిన పెన్సిల్ కింద పడుతుంది.దానిని ఎంతో అపురూపం గా చూసుకుని జెబులో పెట్టుకుని,కోపం గా బయటకి వచ్చి పెన్సిల్ ని గురి చూసి క్వాలిస్ ల మీదకి విసురుతాడు.అంతే అది వరస పెట్టి అన్ని వాహనాల గాలి తీసెస్తుంది.అవమాన భారం తో బయటకి దిగి ఒక 4 ముక్కలు హాలు పిక్కటిల్లేలా అరచి క్వాలిసు ని వెనక్కి తిప్పి వెళ్ళిపోతాడు(గాలి వెంటనే ఎలా వచ్చింది టైర్ లలో కి అని ఆలొచించకూడదంతే).

అలా హీరో యూ.కే.జీ.నుండి టైటిల్స్ అయ్యేలోపు కాలేజీకి వెళ్ళిపోతాడు.రొజూ తన నెచేలి ని గుర్తు చేసుకుంటూ ఆ పెన్సిల్ తో ప్రతీ ఎగ్జాంస్ రాసి ఫస్టు మార్కులు కొట్టేస్తుంటాడు.కాలేజీ ఫైట్లలో ఒకరోజు పెన్సిల్ ని ఒడుపుగా ఉపయోగించటం చూసిన హీరొయిన్ ఈ పెన్సిల్ అబ్బాయే తన చిన్నప్పటి హీరో అని గుర్తుకు వచ్చి అలా డ్రీం సాంగు సింగెస్తుంది ఒకటి.ఇక వీరిద్దరూ తమ పెన్సిల్ ప్రేమని మళ్ళీ చెక్కుతారు.ఈ విషయం అమ్మయి నాన్నకి తెలిసి కోపంగా కాలేజీకి వస్తాదు.పోయిన సారి అనుభవం తో ఈ సారి తన వాహనాన్ని బయటే పార్కు చేసి వస్తాదన్నమాట.రావడం తోనే ఆయన మనుషులు హీరొ గారి రెక్కలు విరిచి పట్టుకుంటారు పెన్సిల్ విసిరే ఛాన్సు ఇవ్వకుండా.
అమ్మయి నాన్న హీరో గారి చెంపలు వాయించి వార్నింగు ఇచ్చి అమ్మయి ని తీసుకెళ్ళిపోతోంటే సింబాలిక్ గా పెన్సిలు ముల్లు విరగడానికి రెడీ గా వున్నట్లు చూపించాలి.అలా తీసుకువెళ్ళి అమ్మయి ని బ్లాక్ మెయిల్ చేసి తన స్నేహితుడు అయిన రబ్బర్ ల ఫ్యాక్టరీ యజమాని కుమారుడితో వివాహానికి ఏర్పాట్లు చెస్తాడు.

ఈ విషయం తెలిసి హీరో వికల మనస్కుడయి విదేశాలకి పయనం అవుతాడు.(ఎప్పుడు కావాలంటే అప్పుడు ఆఫర్ రెడీ కదా విదేశాలలో హీరో లకి)ఫ్లైట్ ఎక్కడానికి వెళ్తుండగా తన పెన్సిల్ మర్చిపోయానని గురు వచ్చి ట్రాఫిక్ లో నుండి ఒక్క దూకు బయటకి దూకి,తన పెన్సిల్ అనుభవాలు గుర్తుకు తెచ్చుకుని,శక్తి కూడదీసుకుని వెళ్ళి దానిని తెచ్చుకుంటాడు.
ఇక్కడ హీరోయిన్ ఎమో పెళ్ళికి ససేమిరా అంటుంది.అమ్మాయి నాన్నకి మా చెడ్డ కోపం వచ్చి హీరో ని చంపడానికి విదేశం లో వున్న నల్ల కళ్ళజోడు డాన్ ని సంప్రదిస్తాడు.

ఒక రోజు హీరో నడచి వెళ్తుండగా ఒక ట్రక్కు అదుపు తప్పి రోడ్డు మీద హడావిడి స్రుష్టిస్తూ వుంటుంది.పోలీసులు,ఫయర్ ఫైటర్ లు ఎవరూ ఆపలేకపోతున్నారు దానిని.మన హీరో గారు తన పెన్సిల్ ని విసరగానే అది బెర్లిన్ గోడ లాగ అడ్డం నిలబడటం తో ఆ ట్రక్కు ని అదుపు లోకి వస్తుంది.అంతే,విదేశీయులందరూ ఒక పాట వేసుకుంటారు అక్కడే(వాళ్ళకి ఎప్పుడంటే అప్పుడు నోట్లో నుండి తెలుగు వచ్చె వరం వుంది లెండి)

కానీ మన హీరో గారేమో అలా పరధ్యానం గా ఆడి పాడతారు హీరోయిన్ ని తలచుకుంటూ.ఆ గుంపు లో హీరో ని కిడ్నాప్ చెయ్యడానికి వచ్చిన డాన్ మనుషులు కూడా వుంటారు.కాని హీరో గారి పెన్సిల్ పవరు చూసి పలాయనం చిత్తగిస్తారు.
ఒక రోజు హీరో గారు రోడ్డు దాటుతుండగా ఒక పిల్ల వాడు ఏడుస్తూ కనిపిస్తాడూ.ఆరా తీస్తే పెన్సిల్ మర్చిపొయాడని
తెలుస్తుంది.వెంటనే తన దగ్గరున్న పెన్సిల్ ఇచ్చి పంపిస్తాడు.అలా పెన్సిల్ తీసుకున్న పిల్లవాడు వెంటనే నవ్వుకుంటూ పక్కకి చూసేసరికి డాన్ మనుషులు వుంటారక్కడ.
ఆ పిల్లవాడు డాన్ పంపించిన మనిషి అని అర్ధం అవుతుంది.కాని అర్ధం ఆయేలోపు తాను డాన్ డెన్ లో వుంటాడు.హీరో ని చిత్ర హింసలు పెడుతూ వుంటారు.హీరో గారు కను సైగ చెయ్యగానే విలన్ జేబు లో నుండి పెన్సిల్ ఎగిరి వచ్చి హీరో కట్లని తెంపెస్తుంది.

హీరో గారు వారిని చితక్కొట్టి పడేయ్యగానే పోలీసెలు వస్తారు(మన పోలీసుల లాగే విడేశీ పోలీసులు కూడా లేటే నా అనుకుంటాడు హీరో)

హీరో స్వదేశానికి పయనం అవుతాడు.సడెన్ గా విమానం లో సాంకెతిక సమస్య తలెత్తుతుంది.ఏమీ చేయలేక పైలట్లు
నిస్సహాయత వ్యక్తం చేస్తారు.అందరూ ప్రాణా ల మీద ఆశ వదలుకున్న సమయం హీరొ ధడాల్ మని కాక్పిట్ లో ప్రవేశించి తన పెన్సిల్ తో చిన్న వైరు ని కదపగానే సమస్య సాల్వ్ అయిపోతుంది.హీరో ని హీరోయిన్ కంతే ఒక కే.జీ.తక్కువ నుండీ ప్రేమిస్తున్న అమ్మయి ఎమో ఆ విమానం లో ఐర్ హోస్టెస్స్.హీరో ని కవ్విస్తూ ఒక పాట అప్పుడు.కానీ హీరో గారేమొ వంచిన తల ఎత్తకుండా పెన్సిల్ చెక్కుతూనే వుంటాదు ల్యాండ్ అయ్యేంతవరకూ.దిగాక తెలుస్తుంది విమానం లో విదేశీ విశిష్ట అతిధి ఒకరు వున్నారు అని.వెంతనే పీ.యం.గారు హీరో ని కలవాలనుకుంటారు.పని లో పనిగా హీరో హీరోయిన్ వాళ్ళ నాన్న అక్రమాలని కూడా చెప్తాడు.అన్నీ విన్న ప్రధాన మంత్రి తాను ఇదంతా "హై కమాండ్" కి విన్నవిస్తానని అంటాదు."అధిష్టానం: ఆదేశాలతో హీరొయిను నాన్న సంస్థల మీద దాడి జరగడం,ఆయనై అరెస్టు చేయడం,మధ్యలో హీరోయిన్ కిడ్నాప్,హీరో గారు తన పెన్సిల్ సహాయం తో హీరోయిన్ జాడ కన్నుక్కొవడం,చివరకి పెళ్ళి ఇదీ కధ"చెహ్ప్పడం ఆపాదు వ.ర.

నిఝ్ఝం గా ఇది డిఫరెంతే దాదాపు అరచినంత పని చేసాడు బంగారయ్య.సరే కాని సినిమా పేరు ఎమి పెడదామంటావు అడిగాడు."పెన్సిల్" సినిమ పేరు,ఈ రోజుల్లో తోక ఫ్యాషన్ కాబట్టి "విరగదు,అరగదు" అనేది ట్యాగ్ లైన్ చెప్పాడు వ.ర.
అంతే,వెంటనే సందేసాత్మక ప్రేమ కధా చిత్రానికి ఒక వారం లోనే కొబ్బరి కాయ కొట్టారు.