Thursday, December 31, 2009

Saradaaki--11

తమ పార్టీ అధికారం లొ వున్న ఒక రాష్త్రంలో విభజన సెగలు పొగలు తనని ఉక్కిరిబీక్కిరి చెస్తోంటే ఇక తన మౌనానికి తెర వెయ్యాల్సిన సమయం వచింది అని అర్ధం అయ్యింది అధినేత్రికి.రాష్ట్రాన్ని ముక్కలు చెయ్యల్సిందే అంటూ సిలైను దీక్ష చెసిన ముక్కురావు మాత్రము తనకి కాల్సింది దక్కుతుండటంతో చిద్విలాసం గా వున్నాడు,ప్రభుత్వ ఖర్చుతో చికిత్స తీసుకుని ఇంట్లొ కూర్చుని నునుపు తేలి.

తప్పదురా అనుకుంటూ కొత్త సంవత్సరం ముగిసాక రాష్ట్రంలో గుర్తింపు పొందిన పార్టీల తో సమావెశం జరిపి అందరూ అనుకూలం గా వుండటం తో అధికారికం గా విభజన కమిటీ ని వెసింది.ఇదేదో ఎల్లప్పుడూ వెసే దిక్కుమాలిన కమిటీలాంటిది అయితే ఊరుకొము అంటూ విభజన పోరాటాన్ని తన భుజస్కందాల మీద మోస్తున్న నాయకుడు ముక్కురావు వార్నింగు ఇవ్వటము,ఒక వంద బస్సులని తగలపెట్టడము చకచకా జరిగిపోయాయి.ఇది గత నెల రోజులుగా జరుగుతున్న తంతే కావడంతో జనాలకి పెద్ద కిక్కు ఇవ్వలెదు.

అటెన్షన్ ని అమితం గా ఇష్టపడే మన సిలైను వీరుడికి ఇది యే మాత్రము రుచించలెదు.అంతే,మళ్ళీ నిరవధిక బందుకి పిలుపు నివ్వడము,వేర్పాటు వాద పైత్యం బాగ ఎక్కిన నాయకులు చక చక అమలు జరిపెయ్యడం అయిపొయాయి.అసలే బందులతో ముక్కు మూలిగి నడుస్తున్న రాష్ట్రానికి ఈ నిరవధిక బందు మూలిగే నక్క మీద తాటికాయ పడ్డట్లయింది. అసలు ఈ రాష్ట్రం లో ముఖ్యమంత్రి వున్నాడా లెడా అని పక్కనే వున్న పీయే ని అడగబొయి నాలిక కరచుకుంది అధినేత్రి.తాను ఆడిస్తే ఆడే వాళ్ళని సీయం లని చేయడం తప్పెమొ అని మొదటిసారి అనిపించింది.
ఇక అమాత్యులను పంపకుండా తానే ముందుకు వచ్చి ఒక ప్రకటన ఇచ్చింది.దాని సారాంశం ఎమిటి అంటే రాష్ట్ర ఏర్పాటు త్వరితగతిన పూర్తి అవుతుంది అని.అన్నట్లే పనులు అన్నీ కూడా ఒక కొలిక్కి వచ్చెసాయి.ఇక రాష్ట్ర ఏర్పాటుని ప్రకటించడమే తరువాయి.వేర్పాటు వాదులంతా సంబరాలలో మునిగి తెలుతున్నారు.

ముక్కురావు మాత్రం ఎవరికి అందుబాటు లో లేడు.మన వీరుడికి గుండెల్లొ రైళ్ళు పరిగెడుతున్నయి ఎక్కడ నిజంగా తాను కోరుకునే రాష్ట్రం ఏర్పాటు అయిపొతుందో అని.ఇది అంత త్వరగా జరిగే పని కాదు లే అనుకుని ఆ ప్రాంత ప్రజలకి తాను మునుపు ఇచ్చిన వరాల లిస్టు తలచుకుని గుండెలవిసేలా రోదిస్తున్నాడు.అసలు ఇచ్చిన మాట నిలబెట్టుకుంటే తాను నాయకుడు అవ్వడు అని ఆయనకి కూడా తెలుసు కాని ఒక మాట మాత్రం నిలబెట్టుకొకపొతే తన్ని తగలేసే చాన్సులు ఎక్కువనిపిస్తున్నాయి,అదే ఒక దళితుడిని సీయం చెయడం.ముఖ్యమంత్రి పీఠం మీద ఇంకొకరిని ఊహించుకుంటె గుండే బద్దలయిపొతోంది ఈయనకి.పైగా తాను అనుకున్నాది సాధించెస్తే ఇక తనను ఎవరూ పట్టించుకొరు.మహా అయితే చరిత్ర పుస్తకాలలొకి ఎక్కుతానేమొ అంతే అని తెలుసు.

అందుకే తన బుద్ధికి పదును పెట్టనారభించాడు ఏకాంతంలో.ఒకానొక శుభోదయాన ప్రజల ముందుకి వచ్చాడు.రొటీను వార్తలతో విసిగిపోయిన మీడియా ఆయన ముందు వాలిపొయింది మాంచి కిక్కుతో వచ్చె ఆయన వాక్కు వినడానికి.
మెజారిటీ పార్టీ ల అభిప్రాయంతో మాత్రమే రాష్ట్ర ఏర్పాటు ని తాను ఖండిస్తున్నానని దెశం లో అన్ని పార్టీలు సరే అంటేనె రాష్ట్రం ఏర్పాటు చెయ్యలి అనే వాదనని వినిపించాడు.అధినేత్రి షరా మామూలుగా ఈయన మాటలని ఖాతరు చెయ్యలెదు.
అంతే,మన ముక్కురావు ముక్కుపుటాలు కోపంతో అదిరి ముక్కు మరింత ముందుకు సాగింది.ఎంత అంటే కొత్త రాష్ట్రానికి ఒక సరిహద్దు కాగలిగినంత.తన మాట ఖాతరు చెయ్యనందుకు ఆమరణ నిరాహార దీక్షకి కూర్చున్నాడు.

ఈ వార్త ని టీవీలలో చూసిన ప్రజలు ఆగ్రహోదగ్రులయ్యారు.వెంటనే తమ నాయకుడు దీక్ష చెస్తున్న చోటికి చేరి మానవహారంలా ఏర్పడ్డారు.జనాలని చూసి ముక్కురావు కి కిక్కు వచ్చింది.టీవి ప్రతినిధులు అక్కడకి చేరుకుని ఒక పౌరుడిని అడిగారు మీ నాయకుడికి సంఘీభావం వెంటనే తెలుపుతున్నరెందుకు అని.అంతే,ఆ ఆసామి(పౌరుడు)శివమెత్తాడు.రిపోర్టరు మైకు కింద గిరాటెసి ఇలా చెప్పాడు "ప్రత్యెక రాష్ట్రం ఏర్పాటు అవుతున్నందుకు ఒక పక్క అందరమూ ఆనందం గా వుంటే ఈయన దీక్ష టీవీలలో చూసి షాకయ్యాము.మాకు ఒకటి అర్ధం అయ్యింది,ఈయనకి ప్రత్యెక రాష్ట్రం రావడం ఇష్టం లెదు అని.అందుకే నిజంగా చస్తాడొ లెదొ చూద్దాము.ఈ మానవహారాన్ని దాటి ఒక్క పోలీసు లెదా డాక్టరుని ముందుకు పోనివ్వము."

ఇక మన ముక్కు రాజు పరిస్థితి ఇది చూసాక ఎమయ్యిందో మీ ఊహ కి వదిలెస్తున్నాను.

Saturday, December 26, 2009

Saradaaki-10

మన తెలుగు చానల్స్ లిస్ట్ లోకి ఆ మధ్య దుమ్ము రేపె చానల్ ఒకటి వచ్చి చేరింది.సరేలె,కాస్త అయినా దుమ్ము రెకపొతుందా కొత్త చాన్నల్ అనుకున్నా.
షరా మామూలుగా పొద్దున్నె వార్తలు..నెను చూసినన్ని రొజులూ అదెదొ లీజు వ్యవహారం మీద లారీలు తరలివెళ్తున్న క్లిప్పింగు తప్ప ఇంకొకటి చూపకుండా ఒకటే (గ)లీజు వార్తలు.పైగా 3 పూటలా అదే వ్యాఖ్యానం.ఈ వ్యవహారం చూస్తొంటే "సూసిందే సూడాలనిపిత్తంది" గుర్తొచిందండీ బాబూ.
ఇక ఏ విషయాన్నయినా కాని రొప్పుతూ చెప్పలి అనెది మెరుగయిన సమాజం కొసం పాటుపడే(?) ఛానల్ వారు సౄష్టించిన ఒరవడి కాబట్టి దానిని పాటించటం లొ కొత్త ఛానల్ వారు ఏ మాత్రమూ వెనకబడలెదని మనవి
చెసుకుంటున్నాను.రిపోర్టింగ్ చెస్తూ న్యూస్ రీడర్ అడిగే ప్రశ్నకి రిఫొర్టర్ చెప్పేదానికి సాధారణంగా లింకు వుండకుండా తగు జాగ్రత్తలు తీసుకుంటారు.అసలు విషయం చెప్పెస్తే ఇక రేపటానికి దుమ్ము ఎమీ మిగలదు కదా!!

మొన్నటికి మొన్న పాపం తాను తిన్న దెబ్బలకంటే కూడా వీరు అదే క్లిప్పింగు పదే పదే చూపించినందుకు ఎంత కుమిలిపొయి వుంటారొ సదరు నాయకుడు అనిపించింది నాకు.


ఇక చానల్ ఎండీ గారు తాను నిర్వహించే "తెరచిన హౄదయం" కార్యకరమం లో సెలిబ్రిటీ లని "లెజెండ్" ల్ని పిలిచి మనసు విప్పి మాట్లాడమంటారు.కర్ర విరగదు పాము చావదు చందాన ఈయన సగటు వీక్షకుడికి "కిక్"
ఎక్కించే ప్రశ్న సగం అడగటం అవతలి వారు జవాబు సగం చెప్పటంతోనే కార్యక్రమాన్ని తన అర్ధం కాని వ్యాఖ్యానంతో ముగిస్తారు.ఈ కార్యక్రమ్మాని చూసేవారుకి ఎవరికయినా సదరు ఎండీ గారు ఎవరిని అనుకరించటానికి శాయసక్తులా ప్రయత్నిస్తున్నారో లెదా ఇది ఏ కార్యక్రమానికి ఎంకౌంటరో ఇట్టే అర్ధం అయిపొతుంది.


నిన్న ఈరోజు అయితే ప్రధమ పౌరిడి గురించి అధమ వార్తలు అందిచటంలొనే బిజీ బిజీ.ఈ న్యూసు ఐటం తప్ప ఇంకొకటి వుంటే ఒట్టు.రిపోర్టర్లు వీలయినంత ఎక్కువమంది నత్తిగాళ్ళని తీసుకొవటం లొ వున్న శ్రద్ధ కార్యక్రమాల విషయం లొ పెడితే హైదరాబాదు లొ రెగిన దుమ్ము రాష్త్రం అంతా వ్యాపించే అవకాశం వుండెది.

ప్రస్తుతం ప్రజలకి బందులు,శెలవల మీద వచిన విరక్తి న్యూసు చానల్స్ మీద కలిగే రొజుకై ఎదురుచూస్తూ....






Monday, June 22, 2009

Saradaaki-9

రీసెషన్..ఆర్ధిక మాంద్యం..ఏ భాషలో చెప్పినా ప్రస్తుత సమస్య..ఈ తైంలో కొత్త ఉద్యోగాల ఊసె ఎత్తకూడదు అనుకుంటున్నారా?అదేమీ కాదండోయ్..కాస్త ఈ కింద ఇచ్చిన సూచనలు పాటించండి.ఎదో ఒక కొత్తది దొరక్కపోదు.
1)మీకు కాస్త జాతకాలు,గ్రహాల భ్రమణం ఎక్సెట్రాల మీద అవగాహన వుందా?సినీ నటుడి మీద ఆరోపణలయినా,శ్రీనగర్ లో బాంబు పెలుడయినా గబగబా చక్రాలూ గట్రా వేసెసి ఎందుకు జరిగిందో,ముందు ఏమి జరగబోతొందో చెప్పగలిగితే ఇంకెందుకు ఆలస్యం ముందర ఒక ప్రెస్ మీట్ పెట్టి మీ పాండిత్యాన్ని ప్రదర్శించండి.మరుసటి వారానికి ఎదో ఒక చానెల్ లో మీరె కనిపిస్తారు చూడండి.ఎవరయినా సెలెబ్రిటీస్ పెళ్ళి చెసుకోబోతున్నారు అన్న వార్త వస్తే చాలు మీరు వారి జాతక చక్రాలు అవీ వేసి వారు పెళ్ళి చెసుకుంటే ఎలా వుంటుందో,లెదా ఎమేమి పూజలు జపాలు చెస్తే వారు సుఖం గా వుంటారొ కాస్త మసాలా దట్టించి చెప్పగలిగితే చాలు,(ఎలాగూ విజువల్స్ వగైరా వేసి సదరు చానెల్ వాళ్ళు ఇంట్రెస్టింగ్ చెస్తారనుకొండి)మీ పంట పండినట్లే.

2)మీకు జాతకాలు రాకపొయిన ఫరవాలేదు,మీరు పుస్తక ప్రియులా?అయితే ఇది మీ కోసమే సుమా...నార్మన్ పీలే పుస్తకాల నుండి నాలుగు లైన్లు,షివ్ ఖేరా పుస్తకం నుండి నాలుగు ముక్కలు పట్టుకుని "నిలకడ జీవితానికి నాలుగు నిచ్చెనలు" అని ఒక పుస్తకమో,లెదా ఒక ప్రోగ్రామో నిర్వహిస్తే మీకు తిరుగు వుండదు అంటే నమ్మండి.కాస్త వాగ్ధాటి కూడా కలవారయితే మెల్లిగా ఒక డెగ్రీ కొనుక్కుని మీరే ఒక కౌన్సెలర్ అవతారం ఎత్తి స్కూళ్ళు,కాలేజీలని సందర్శించి "ఒత్తిడిని ఎదుర్కొవడమెలా" అనో "హౌ టూ విన్ దిస్ కాంపిటీటివ్ వరల్డ్" అనో స్టైల్ గా పెర్లు పెట్టి సెమినార్స్ కండక్ట్ చేసి వేలకి వేలు దండుకోవచు హ్యాపీ గా.అసలు ఎలాగూ కాపీ కొట్టే గుణం అనే బేసిక్ క్వాలిటీ వుంది కాబట్టి సినిమాలలో కూదా మీ స్టార్ తిరగచ్చండోయ్.పాత సినిమాలని కాపీ మాత్రమే కొదితే సరిపొదండీ,నేటి ట్రెండు అంటూ ఒకట్రెండు బూతులూ,గురువులు,తల్లితండ్రులమీద ఎంత వెటకారం గా డైలాగులు రాస్తే అంత గిరాకీ.

3)పోనీ పైవి ఎవీ మీకు పనికి రావట్లేదా?నో ప్రాబ్లెం,పొనీ ఇది ట్రై చెయ్యండి.కాస్త అయినా పాక శాస్త్ర ప్రావీణ్యం వుందా?అయితే ఇది మీకోసమే..రొటీన్ దొండకాయ కూరకే కాస్త ఎక్కువ కొత్తిమీర చెర్చి "హరియాలీ దొండా అనో లెదా అమ్మమ్మ చెసే ఆవపెట్టిన అరటి కొరకే "మస్టర్డ్ బనాన" అనో పేరు పెట్టగలిగితే దిన పత్రికలలో కాలం రాయచ్చు లెదా వంట కార్యక్రమాలలో గరిటా తిప్పచ్చు.

4)లాభం లెదండీ ఎమీ పనికిరావట్లేదు అంటారా..ఓకే...మీరు చిన్నప్పుడు మట్టిలో.బురదలలో ఎక్కువ ఆడుకున్నారా?అయితే ఒక పనిచెయ్యండి.మీకు నచ్చని రాజకీయ పార్టీ మీద ఒక గంపెడు దుమ్మో,బకెట్టుడు బురదో జల్లెయ్యండి.చాలా ఆవెశం గా వుండాలి సుమా ఆ పని చెసేటప్పుడు.నాటకం పండిందా మీ దశ తిరిగినట్లే.అసమ్మతి నెతలతో డీలా పడ్డ రాజకీయ పార్టీలు బోలెడు.ఎదో ఒక దానిలో యూత్ వింగ్ బాధ్యతలో,మహిళా వింగు నాయకురాళ్ళో అయిపొవచ్చు.

5)వూహూ భెషుగ్గా వుండెది ఒక్కటీ చెప్పలెదు అనిపిస్తొందా?అయితే వినండి.మీరు ఎదయినా విషయాన్ని గంభీరమయినా గొంతుతో కళ్ళకు కట్టినట్లు గుందెల్లో దడ పుట్టేట్లు చెప్పగలరా?అయితే ఇంకెమి..ప్రయత్నిస్తే మీరే యావద్ ఆంధ్ర ప్రజానీకాన్నీ భయపెట్టచ్చు "ఘోరాలు నేరాలు" కి మీ గొంతు అరువు ఇచ్చి.

6)"డిఫరెంట్" పర్సనా మీరు?అయితే ఇది మీకోసమే సుమా...పాత కాన్సెప్ట్లకి కాస్త టచప్ లు ఇచ్చెసి రేడియో లొనో టీవీలు,లెదా దినపత్రికల లొనో ట్రై చెస్తే, మీరే క్రియేటివ్ హెడ్ మరి.ఎలాగూ జనాలకి ఏడుపు సీరియల్సు బోరు కొట్టెసాయి కాబట్టి మీకు ఢోకా వుండకపొవచ్చు టీవీలలో.

Tuesday, June 16, 2009

Saradaaki-8

మాధ్యమాలు ఎక్కువ అయిన కొద్దీ ఎంటర్ టైన్మెంట్ తగ్గటం ఖాయం.ఈ మధ్య రకరకాల పుస్తకాలు, పేపర్లు,పుంఖానుపుంఖాలుగా టీవీ చానెళ్ళు వచ్చెసాయి.24 గంటల ప్రసారాలలో కొత్తగా చెప్పెది ఎముంటుంది కనుక.పైగా చాలా కార్యక్రమాలు డైలీ ప్రోగ్రాంస్.మహిళా కార్యక్రమాలె తీసుకొండీ,ఎన్ని చానెళ్ళు వున్నాయో అన్నింటిలోనూ పేరు వెరయినా కంటెంట్ ఒకటే."సఖి","చెలి","స్వెచ్హ" పెరు వెరయినా ఒకటే నస అన్నింటిలోను.
ఇక పేపెర్లలొ అయితే డిఫ్ఫరెంట్ అంటూ కూరలు.మునక్కాయా టమాట కూర,దొండకాయ వెపుడు ఇవి డిఫరెంట్ ఎమిటొ నాకు అర్ధం కాదు.ఇక సెల్ఫ్ చెక్ అంటూ "మిమ్మల్ని మీరు ఎలా ఊచించుకుంటారు","పిల్లల్ని సరి అయిన విధంగా పెంచుతున్నారా".ఇలాంటి అస్సెస్మెంట్స్ తో ఒనగూరె ప్రయోజనం మీకు ఎమయినా అర్ధం అయ్యితే కాస్త వివరించగలరు.పైగా ఆ పేపర్లు,టీవీలలో పిల్లల డాక్టరతో ఇంటర్వ్యూలు/ప్రశ్నలు జవాబులు సరేసరి.మా అబ్బాయి రొజంతా టీవీ చూస్తూ వుంటాడు ఎమి చెయ్యాలండీ అని ఒక మహాతల్లి అడిగితే మా పుత్రికారత్నం అసలు అన్నం తప్ప అన్నీ తింటుంది ఎందుకు అంటూ ఇంకొక మహిళామణి ఉత్తరం.
లెదంటే పాటలు ఆటల ప్రొగ్రాంస్ మామూలే.రియాలిటీ షో ల కల్చర్ ఇంకా మన తెలుగు టీవీలకి రానందుకు నెను చాలా హ్యాపి.లెదంటే ఆ షో పైత్యానికి థోడు మన యాంకర్/యాంకరమ్మల వెర్రి వేషాలు పార్టిసిపెంట్ల భావొద్వెగాలు చూడలెక బలయ్యేవాళ్ళము.అసలు చిన్న పిల్లల రియాలిట్య్ షో లు మరీ దారుణం.చెప్పుకొవటానికి ఖాతలో ఒకెఒక్క బ్లాక్ బస్టర్ హిట్ వున్న హీరో/హీరోఇన్ను లెదా సంగీత దర్సకులొ లెదా ఫేడవుట్ అయ్యిన పర్సనాలిటీలె జడ్జీలు.ఇక వారు పిల్ల భావొద్వెగాలతొ ఆడుకునే తీరు దారుణం.సహజంగానె పిల్లలు ఓటమిని త్వరగా అంగీకరించలెరు.ఇలాంటి కార్యక్రమాలు పిల్లలకి ఆరొగ్యమయిన పొటీ తత్వం నేర్పె బదులు అనారొగ్యమయినా వాతావరణాన్ని కలిగిస్తున్నాయి.పిల్లలతో పాటు కొంత మంది తల్లితండ్రులు కూడా ఈ పోటీలకి వత్తాసు పలకటం నిజంగా దురద్రుష్టం.
లెదంటే సమకాలీన రాజకీయ అంశాల మీద చర్చ అంటూ పనిలెని 4-5 పార్టీల నాయకులని పిలిచి జుట్లు ముడేసి సదరు నిర్వాహకుడు చొద్యం చూస్తూ తాను రాజెసిన నిప్పు ఆరిపొకుండా ఆజ్యం పొస్తూ,నాయకులు నాల్కలు జారినప్పుడు బ్రేక్ అని చెప్పడం.కాస్తంత స్క్రీన్ ప్రెజెన్సు వున్న ప్రతీ వాళ్ళూ న్యూసు రీడర్లే.ప్రపంచ గ్నానం శూన్యం ఇక ప్రెజెన్స్ ఆఫ్ మైండ్ అయితే కంప్లీట్లీ ఆఫ్ సగం మందికి. ఆరొగ్య కార్యక్రమాలు అంటూ జాగ్రత్తలు కంటే భయపెట్టడమే ఎక్కువ వుంటుంది ఆ ప్రోగ్రాంస్ లొ.పైగా దాదాపు సగం నివారణ/ఉపశమనం ఉపాయాలు ఇచ్చి,అయినా డాక్టరు పర్యవెక్షణ లెకుండా ఇవెమీ చెయ్యకూడదు అంటూ ముక్తాయిపు ఒకటి.
డబ్బింగ్ సినిమాలు సీరియళ్ళు జనాల మీదకి వదకటం లొ వున్న ఇంట్రస్ట్ డిస్కవరీ చానెల్ కార్యక్రామలని డబ్ చెయ్యటం లొ వుండదు ఎందుకో అసలు అర్ధం కాదు.కనీసం ఒక్క కార్యక్రమ అయినా చెయ్యలెరా?విగ్నాన దాయక కార్యక్రమాలు నిర్మించక్కర్లెదు కనీసం డబ్ చెస్తే అదే భాగ్యం కదూ నాలాంటి వీక్షకులకి.
పేపర్లలొ మాత్రం సెక్స్ ఎడ్యికెషన్ అంటూ పరిధిలు దాటి అన్నీ విపులీకరిస్తున్నారు,టీవీ ప్రెక్షకులకి ఇంకా అలాంటి అద్రుష్టం పట్టకపొయినా కొంతమంది యాంకరమ్మల డ్రెస్సులు,వెషాలు మాత్రం బీ గ్రేడు సినిమాలకి ధీటుగా వుంటున్నాయి.
పెరుగుట విరుగుట కొరకే అంటారు కదా పెద్దలు,ఈ పిచ్చి పొకడలు ఎప్పుడు పొయి మళ్ళీ అలనాటి వైభవం ఎప్పుడు వస్తుందో టీవీలకి.నాడు వారానికి ఒక్కరొజు మాత్రమే ప్రసారమయ్యే చిత్రలహరి/చిత్రహార్ లెదా వారంతపు సినిమా లలో వున్న మజా నేటి టీవీలలో వస్తొందా మనకి?

Sunday, May 10, 2009

Saradaaki--7

ఫిలిం నగర్ లోని ఒక గెస్ట్ హౌస్ లో తెలుగు లొ ఒక పెద్ద హీరొ గారి కొత్త సినిమ డిస్కషన్స్ జరుగుతున్నాయి.ఈ కొత్త సినిమా నిర్మాత,ఇండస్ట్రీ కి కొత్తవాడయిన పప్పు అప్పల నాయుడు.పేరు స్టైల్ గా వుండాలని పీ ఏ నాయుడు అని మార్చుకున్నాడనుకొండి.ఏనాటికయినా తెలుగు సినిమా చరిత్ర లో మైలు రాయిగా నిలచిపొయె సినిమా తీయాలని, ఎన్నొ ఏళ్ళూ గా కష్టపడి సంపాదించిన సొమ్ము అంతా తెచ్చి పెట్టుబడి పెడుతున్నాడు.తెలుగు సినిమాకి "మెగా నక్షత్రం" గా చెప్పుకునె హీరో గారితో తన సినిమా తీస్తున్నందుకు మహదానందం గా వుంది.సదరు హీరో గారు ఇప్పటికె వరుస ఫ్లాపులతో కొట్టుమిట్టాడుతూ సక్సెస్ కోసం అర్రులు చాస్తున్నాడు(మంచి సినిమా కొసం ఎదురుచూతున్న సగటు ప్రేక్షకుడి లా).గత కాలం గా విజయం కోసం ఆయన చేయని ప్రయత్నం లెదు మరి.గ్రాఫిక్స్ తో తీసిన "గంజి" సినిమా గట్టిగా 10 రోజులు ఆడితె ఒట్టు.ఇక డిఫరెంట్ అనుకుంటూ తీసిన "నాన్న" సినిమ ఆయితె నా బోటి వాడికి ఆ సినిమా వచ్చిన సంగతి కూడా తెలీదు.

ఇక ఆలొచించీ చించీ మన హీరోగారి అనుచరగణం,ఖర్చుకు వెనకాడని నిర్మాత కోసం వెతికి మనపీ ఏ నాయుడు ని పట్టుకొచ్చారు.ఇక వర్తమానం లోకి వస్తే మెగా నక్షత్రం గారి పీయే ఎమో హీరో గారి పారితోషికం చెపెసరికి పాపం మన నాయుడు కళ్ళు బైర్లుకమ్మాయి.అయినా తమాయించుకుని కధ వింటే హీరో గారు తప్పక తన పారితోషికాన్ని తగ్గించుకుంటారు,అనడం తో పీయే కి నాయుడు ని ఒక్కటి పీకాలనిపించింది.ముందర రెమ్యునరెషన్ ఫిక్స్ అయితే కానీ మరొక మాట మాట్లాడద్దు అనటంతొ చెసేదిలెక ఒప్పుకున్నాడు పాపం నాయుడు అడిగినంతా ముట్టచెప్పటానికి.
సగం ఎడ్వాన్సు తీసుకున్నాక హీరోగారు కధ వినటానికి ఒప్పుకున్నారు.ఇక మన నాయుడు ని ఎవరూ పట్టలేకపొతున్నారు మెగా నక్షత్రం గారికి తను ఎంతో ఇష్టపడి ఆయనకోసమె రాసుకున్న కధ వినిపించబోతున్నందుకు.

నాయుడు కధ వినిపించి హీరో గారివైపు చూసాడు.హీరోగారు తన స్టైల్లొ ఒక "చిరు" నవ్వు నవ్వి తన అనుచరగణంవైపు చూసారు.అందులొ ఒకడు "ఏంటయ్యా ఇది అసలు మా సారు కి సరిపొయే కధేన ఇది?అసలు సారు ఇంట్రడక్షన్ ఎలా వుండాలి?ప్రెక్షకులని "రఫ్" ఆడించెయాలి.సారు వెసే స్టెప్పులకి తగ్గట్లు ఒక పాట వుండాలి"అంటే మరొకడెమొ "ఎవరినొ హీరోయిన్ గా పెడితె కుదరదయ్య యే "జిష" నో "కనిష్క"నో పెట్టాలి.ఇక అయిటం సాంగు కి మాంచి ముంబాయి ముద్దుగుమ్మ.ఫాక్షన్ అయితే ఒక 200 సూమోలు పైకి లెవాలి చివర్లొ.యాక్షన్ అయితే బ్యాంకాకులో తీయాలి విలన్ చేజింగు.మధ్యలో కామెడీ వుండాలి,కమెడియన్ గా స్టార్ కమెడియన్ ని పెట్టాలి.ఇక చివర్లొ సెకండు హీరోఇన్నుతో ఒక పాట తప్పదు."

ఇవన్నీ వినగానె మన అప్పల నాయుడు కి మతిపొయింది.అసలు తన కధ ఫాక్షనూ కాదు యాక్షనూ కాదు.కధకి కామెడియన్ అవసరమే లెదు,హీరో గారి పాత్రే నవ్వులు పండిస్తుంది.ఈ మాటే చెపితే గయ్యిన లెచారు అనుచరగణం,ఎరా మా హీరోగారు నీకు కమెడీయన్ లా వున్నాడా? మెము చెప్పినట్లు చెస్తే ఇక్కడ వుంటావు లెకపొతే...మళ్ళీ నిన్ను సినిమా తీసుకొనియ్యము అని వార్నింగు ఇచ్చెసరికి కిక్కురుమనలెదు నాయుడు.
ఇదే విషయం ఫోనులొ భార్యకి చెప్పి పాపం ఏద్చాడు.నాయుడూ భార్య తాయరు ఒదార్చొతూ పొనీ అలాగే తియ్యండీ,మీ పాత చింతకాయ కధలని ఎవరు చూస్తారు చెప్పండి అనెసరికి కాస్త తేరుకుని మర్నాడు హీరొగారికి మెసేజు పంపాడు.

అలా సినిమా మొదలయ్యింది.కధలో మార్పులు చెసి ఒక యాక్షను కధ తయారు చేసారు.తన ప్రమెయం ఎమీ లెకుండా షూటింగు జరిగిపోతోంది.అడిగినంత డబ్బు ఇవ్వటమె తన పని.డైరెట్రు గారు కూడా హీరో గారి సెలెక్షనే.బొంగురు గొంతుతో మాధవ్ చెసే కామెడీ సెట్ లొ చూసిన నాయుడు కి వికారం వచింది.ఇక మ్యూజిక్ సిట్టింగులకి వెళ్ళిన నాయుడు అయితే ఇక మళ్ళీ జొక్యం చెసుకోకూడదని డిసైడు అయ్యడు.బొంగురు గొంతు ప్రసాదు మ్యూజిఖ్ డైరెట్రు.బొంగురు గొంతుటొ తను పాడటమే కాకుండా హీరో గారితో కూడా పాడించాడు ట్రెండు అంటూ.ఒక్క పాటా వినసొంపుగా లేదు.డయలాగులలొ ట్రెండు అంటూ ఒకట్రెండు బూతులు కూడా అవలీలగా పలికారు హీరోగారు.

హీరో హీరోయిన్ల పారితొషికాలకే తను అనుకున్న బద్జెట్ అయిపొయింది.మిగతా ఖర్చులకి పాపం అప్పులు చెసాడు.మొత్తనికి షూటింగ్ అయ్యింది.షరా మామూలుగా ప్రెస్ మీట్ లొ హీరో గారి దగ్గ్రనుండీ అందరూ డయలాగు రైటర్లు రాసిన పలుకులనే పలికారు.ఇది దిఫరెంట్ చిత్రమని డైరెట్రు అంటే యూత్ ఫుల్ ఎంటెర్ టైనెర్ అని హీరొయిన్ను సెలవు ఇచ్చింది.(అనగా నెను బట్టలు చాలా పొదుపుగా వెసుకున్నాను అని పాఠకులు అర్ధం చెసుకొవ మనవి).ఖర్చుకు వెరవకుండా మన నిర్మాత గారు సీన్లని అధ్భుతంగా తీసారు అని హీరో గారనెసరికి రాని నవ్వు పులుముకున్నాడు నిర్మాత.

అలా మొత్తనికి సినిమా విడుదల తేదీ ఖరారు అయ్యింది.సినిమా విడుదల రెపు అనగా ఈరొజే తమ ఊరుకు ట్రైను ఎక్కేసాడు నాయుడు.

Sunday, March 29, 2009

Saradaaki-5

సమయం ఉదయం ఏడు గంటలు,భానుడు తన ప్రతాపాన్ని చూపించటం మొదలెట్టెసాడు.భానుడి ప్రతాపం కంటే ఇటీవల జరిగిన ఎన్నికల ఫలితాలు విడుదల కాబొతుండటంతో నాయకులకు పొద్దున్నే చెమటలు పడుతున్నాయి.ప్రతీసారి లాగ పొటీ అంత వీజీ గా లేదు అని పొటే చెసిన ప్రతీ నాయకుడికీ అర్ధం అయ్యింది.షరా మామూలుగా టీవీ చానెళ్ళు కౌంటింగ్ పారంభం కాక మునుపే తమకు అనుకూలం గా వుండే పార్టీల గెలుపు మీద స్పెషల్ కధనాలని ప్రసారం చెస్తూ వూదర గొట్టేస్తున్నాయి.జీవితం లో ఎదురు చూసీ చూసీ ఇక అవకాశం రాదు అనుకుంటున్న దశ లొ "అమ్మ"రూపం లొ అవకాశం తలుపు తట్టి సీ.యం అయిన శెఖర రాజ రెడ్డి ఏమొ విజయం మీద ధీమ తో ఎప్పుడు ఎప్పుడు తన బ్రాండు వెకిలి నవ్వుని ప్రత్యర్ధులకి చూపాలా అని ఉత్సూకత తో వుండి,మాటి మాటికీ వంకర పొతున్న తన పెదాలని సరి చెసుకుంటూ ఎదురుచూస్తున్నాడు ఫలితాల కొసం.కాలం తో పాటు నాయకులూ మారాలి అన్న విధానాన్ని పాలన లో కాక హావ భావాలకి అన్వయించుకున్న సదరు పంచ కట్టు ఆసామి ప్రచారం లొ గాలి లోకి ముద్దులు కూడా విసిరాడండొయ్.మీకు ఆ వెషాలు నప్పలెదు సారు అన్న సూరిగాడి సలహాని పెడచెవిన పెట్టి మరీ జనాలకి ముద్దులు విసిరాడాయె.విజయోత్సాహం తో ఎప్పుడు ముద్దులు విసరాలా అని తెగ ఇది అయిపొతున్నాడు పాపం.
తొమ్మిదేళ్ళు అధికారాన్ని అనుభవించి కంప్యూటర్ మోజు మీద కర్షకులని,కార్మికులని నిర్లక్ష్యం చెసి గద్దె దిగిన మరొక "మహా" నాయకుడు బాబు చంద్ర ఎమో అన్ని పార్టీలని కలిపి కిచిడీ క్యాండిడేట్స్ని నిలబెట్టి ఫలితాలు అనుకూలం గా వస్తె కుర్చీ ఖాయం అని కలలు కంటూ,విజయం సాధించినా,వీర మరణం పొందిన సైనికుల వద్దా చూపించె తన ట్రేడు మార్కు విక్టరీ సంకెతాన్ని సూచించటానికి ఉవ్విళ్ళు ఊరుతూ,వంకరపొతున్న వేళ్లని అదిమిపట్టి టీవీ కి అతుక్కుపొయాడు.
మార్పు తీసుకువస్తా అంటూ సినిమాల నుండి రాజకీయాలోకి వ్రుత్తి ని మార్చుకున్న ఒక హీరో గారెమో రాజకీయాలలో సక్సెస్స్ రుచి చూడటానికి ఉత్సాహం గా వున్నాడు.ఇదేమీ బామ్మర్ది తీసిన సినెమా కాదు కదా,బాగోకపొయినా బలవంతం గా 100 రోజులు ఆడించి శతదినోత్సవం చెయ్యటానికి.తనకి తోడు గా రంగం లోకి దిగి "పంచ" డయలాగులు కొట్టిన "తమ్ముడు" కూడా ఉత్సాహం గానే వున్నడు.
ప్రజల సత్తా అంటూ రాజాకీయాలలో కుళ్ళు ని కడిగెస్తామంటూ పార్టీ స్థాపించిన మాజీ అధికారి ఎమో తమ అభ్యర్ధుల సత్తా బయట పడేది ఈరొజె అనుకుంటూ టీవీ కి కళ్లు అప్పగించాడు.
ఇక ప్రత్యెక రాష్ట్రమంటూ అనేక హై డ్రామా లాడిన సీకేఆర్ గారు మాత్రాం ఏ టెన్షనూ లేకుండా హాయిగా నిద్రపొతున్నారు,తాను లేచె వేళకి కానీ,ఏవో చిన్న చితకా తప్ప కౌటింగ్ ఒక ఊపు అందుకోదు అని సారు కి తెలుసు కనుక.
ఫలితాలు ఒక్కొక్కటిగా వెలువడుతున్నాయి.వెకిలి నవ్వుల ఆసామి పార్టీ కానీ,"మాహా" నాయకుడి కూటమి కానీ విజయానికి కనుచూపు మేర లొ కూడా లెవు.
మార్పు కోసం పాటుపడతామన్న హీరో గారి డయలాగుల్ని కూడా జనాలు నమ్మినట్లులేదు."సత్తాపార్టీ పత్త లెకుండా పొయింది.సీకేఆర్ పార్టీ ని ప్రజలు "బొంద" పెట్టేసారు.విప్లవ పార్టీల కి విజయం అంటే తెలీలేదు షరా మామూలుగా.
రాజకీయాలంటే విరక్తి కలిగి ఏదొ చెద్దాము అన్న కసి తొ బరి లో దిగిన స్వతంత్ర్య అభ్యర్ధులు విజయ బావుటా ఎగరేసారు రాష్త్రం లొ కెంద్రం లొ కూడా.వారిళొ కర్షకులు,విశ్రాంత అధికారులు నుంది యవ్వనం తొణికిసలాడే నవ యువథీ యువకులు కూడా వున్నారు.
వారిని అందరినీ తమ పార్టీ ల తరపున కొనెయ్యడానికి పార్టీ లన్నీ యధాశక్థి ప్రయత్నించాయి.ఓఒడిపొయినా బుద్ధి మాత్రం పోలెదు అంటూ అందరూ కలసి కట్టుగా చీ పొమ్మన్నారు డబ్బు ప్రలోభాలకి లొంగకుండా.అందరూ కలిసి సమావెసమయ్యారు.
ఎమి జరగబోతొందొ అనుకుంటూ ప్రజలంతా టీవీ లముందు నుంది కదలటం లెదు.కాసేపటికి గెలిచిన అభ్యర్ధులు అంథా కలిసి రాష్త్రపతి దగ్గరకి వెల్లారు.అందరూ స్వతంత్ర్య అభ్యర్ధులు కావటం తో అందరూ కలిసి "నవ భారత్ నిర్మాణ్" అంటూ ఒక పార్టీ స్థాపించి దానిలో సభ్యులయ్యారు.
వారిళొ గత 40 యెంద్ల నుండీ సెద్యం చెస్తున్న ఆసామి ని సీయం గా ఎన్నుకున్నారు.విశ్రాంత టీచరు గారేమో విద్యా శాఖా మంత్రి,ఇలా వివిధ రంగాలలో నిష్ణాతులని ఆ శాఖల మంత్రులు గా ఎన్నుకున్నారు.ప్రతీ ఒక్కరి పదవీ కాలం 2 సంవత్సరాలు మాత్రమే.ఆ తరువాత మరొక నిపుణుదు బాధ్యతలు స్వీకరించెటట్లు విధాన్నన్ని ఖరారు చేసారు.పదవీ కాలంలో ఎమయినా అనైతిక చర్యలకు పాల్పడితె వేటు వెయాలని కూడా నిర్ణయించారు.
ప్రతీ రాష్త్రం లో ఇలాగె జరిగి,ఈ విధి విధానాలకి బద్ధులై వుంటే ప్రగతి ఏ మాత్రం దూరం కాబొదు అని విశ్వసించిన ప్రజలు సంబరలు జరుపుకుంటొంటే ఓడిపొయిన నాయకులంతా పార్టీలకతీతంగా ఏకమయ్యి ఇది అన్యాయం అంటూ ఎవరికి ఫిర్యాదు చెయ్యాలి అని కసరత్తులు ప్రారంభించారు.
"ఒరీయ్య్ శ్రీను గా ఓటేస్తానన్నావు గా ఇంకా పడుకున్నావెమిటి"అన్న అమ్మ కేక కి ఉలిక్కి పడి లెచాడు మొదటిసారి ఓతు హక్కు వినియోగదారుడు.తాను గన్న కలకి నవ్వుకుంటూ రేడీ అయ్యి పోలింగు కెంద్రానికి వెళ్ళేసరికి తన ఓటు ఆల్రేడీ ఎవరో వేసేసారు అని తెలిసి కాళ్ళెడ్చుకుంటూ ఇంటి ముఖం పట్టాడు.

Thursday, March 5, 2009

Saradaaki-4

మార్చి నెలలొ ఒకానొక శుభోదయం.సమయం ఉదయం 7 గంటలు.
రేడియో లో భక్తి రంజని,ప్రాంతీయ వార్తలని ప్రైవేటు చానళు హైజాక్ చేసి చాలా కాలం అవటంతో జనాలు వాటిని పూర్తిగా మరచిపొయారు.రోజుకొ కొత్త చానెల్,వున్న చానెల్స్ ఎమో పూటకో కొత్త కార్యక్రమం(?)తో వస్తొంటె వీక్షకుల వినోదానికి అంతు ఎముంది.రాత్రి నిద్ర పొయెముందు భగవత్గీతొ మరేదో చదివినంత దీక్షగా వార్తలు చూసి పడుకునే పురుష పుంగవులు లేవగానె శ్రీమతి కాఫీ ఇచ్చెలొపు 3-4 చానెల్స్ మార్చెయటం ఖాయం,ఒక్క రాత్రి లోనే
ఏమి జరిగిపొయిందొ,ఈ చానెల్ వాడు ఇవ్వట్లెదెమొ అని,మరొక చనెల్ లొకి మారిపొతూ వుంటారు,ఎలక్షన్ సమయం లొ నాయకులు అటూ ఇటూ కప్పగెంతులు వెసినంత ఈజీ గా.
ఒక పక్క టీవీ రొద,మరొక పక్క శ్రీమతి గారి కుక్కర్ ఈలలు,పక్కింటి వారి మోటారు శబ్దం కలగలిపి శబ్ద కాలుష్యం వాహనాలు రోడ్ ఎకక్క ముందె మొదలవుతాయి.వీటికి టోడు పక్క ఇంట్లొ నుందో,పైన ఇంట్లొ నుండొ సదరు పురుషుకు ఆనందం గా వీక్షించె కార్యక్రమాలు మన ఇంట్లొనే ఆ చానెల్ పెట్టామా అన్నంత భ్రమ కలిగిస్తూ వుంటాయి,వారు పెట్టిన వాల్యూం కి.
ఇక టీం ఇండీ విదేశాలలొ పర్యటిస్తొందంటె ఏనాడూ పాల పాకెట్టు కి కూడా లెవని మగమహారాజు మ్యాచ్ సమయం కంటె ముందే లెచి కూర్చుంటాదు.టాస్ కూడా మిస్స్ అవ్వకూడదు కదా మరి.
ఇక వీరు లెచి తమ ఆనందం లొ తాము వుంటారా అంటే అదీ లేదు.మొదట శ్రీమతి ని లెపుతారు కాఫీ కొసం.ఆ తరువాత
పిల్లలని లెపుతారు,లెరా లే పరీక్షలు ఇక 10 రోజులే వున్నాయి అని.అటు చలీ,ఇటు వేసవీ కానీ కాలం కావటం తొ పిల్లలు ఇంకా
బద్దకం తొ వుంటారు.అసలు సంవత్సరం అంతా అలవాటు వుంటే కదా ఇప్పుడు లెచి చదవటానికి.మొత్తనికి నాన్న హూంకరింపుతో లెచి కూర్చుంటారు.కూర్చున్నా కానీ నిద్రాదెవి ఇంకా వదలను అంటూంటే ఎలాగో పుస్తకాలు తీసి ముందేసుకు కూర్చుంటారు.ఒక పక్క సచిన్ 4 లు 6 లు బాదుతూ వుంతే,అతగాడి ఆటని వర్ణిస్తూ కామెంటేటర్ చెప్పె మాటలు
మధురం గా వినపడుతోంటే ఇక పాఠాలు ఎమి ఎక్కుతాయి కనుక బుర్రలొకి?క్రికెటు కాకపొతే వార్తలు.అలా ఆ టీవీ మోగాల్సిందే పొద్దున్నే.వార్తలు చూడకపొతే ఆఫీసుకి రానీయరొ ఏమిటొ మరి.చూస్తే చూసారు అనుకుందాము.ఆ రొద లొ పిల్లలని చదువుకొమ్మనటం సమంజసమా?వారి గది లోకి వెళ్ళి వారు చదువుకున్నా కానీ ఎంత మంది బుర్ర కి ఎక్కుతాయి పాఠాలు?
కాసేపు కాగానె అమ్మ స్నాననికి పిలుస్తుంది స్కూల్ బస్ వచ్చె టైం అయ్యిందని.పిల్లడు ఎగిరి గంతేసి పరిగెడతాడు.

Monday, February 2, 2009

Saradaaki-----3

ఎస్సార్ నగర్ చౌరస్తా ,సమయం ఉదయం 10 గంటలు.అమీరుపెట వైపు వెళ్ళే వాహనాలకి సిగ్నల్ పడగానె వాహనాలు రయ్ మంటూ దూసుకుపొతున్నాయి,ఇంతలొ,ఢాం అంటూ,2 ఆటో లు ఢీకొన్నాయి.చుట్టూ జనం గబగబా పొగయ్యారు.ఇంతలొ ఎవరో 108 కి ఫొనె చెసారు.సరిగ్గా అప్పుడె పక్క వీధిలో కుంటుతున్న కుక్క పిల్ల గురించి ప్రత్యెక లైవ్ కార్య క్రమం ప్రసారం చెసి తిరిగి వస్తున్న ఉన్నతమయిన సామాజం కొసం పాటుపడే సదరు చానెల్ రిపోర్టర్ కంట పడింది,అంతే,రాకెట్ లా దూసుకుపోయి క్షతగాత్రులని చేరుకున్నాడు.ఎవ్వరికీ పెద్ద దెబ్బలు ఎమీ తగలలెదు కానీ,ఒక పెద్దాయనకి మాత్రం కాలుకి కాస్త పెద్ద దెబ్బ తగిలి రక్త స్రావం అవుతొంది.

మన రిపోర్టర్ రిపోర్టింగ్ మొదలెట్టేసాడు,

ఒక ప్రత్యక్ష సాక్షి తో :
ప్ర)ఈ ప్రమాదం అసలు ఎలా జరిగింది,దీనిలో ఎవరిది తప్పు అని మీరు అనుకుంటున్నారు?
జ)నేను ఇప్పుడె గా పక్కన వున్న ఇరాని హోటెల్ నుండి వస్తన్నా సారూ,రోడ్ దాటదామని సిగ్నల్ కు సూస్తునా,గంతలో పెద్దగ సవుండు వచ్చినాది సారూ,మొదట బాంబు అనుకున్నా సారూ,వచ్చి సూత్తినా,ఈడ 2 ఆటో లు పడి వున్నాయి సారూ.

ఒక చెత్తో రణగొణధ్వనులు వినపడకుండా చెవు మూసుకుని,మరొక చేత్తో మైకు పట్టుకుని,రిపోర్టర్ చెప్తూ వుంటాడు,
స్వప్నా,ఇక్కడ 2 ఆటొస్ యాక్సిడెంట్ జరిగింది,మొదట ఇక్కడ వున్న వాళ్ళు ఎదయినా బాంబు పేలిందెమొ అనుకున్నారు,కానీ పేలింది బాంబు కాదు అని తెలిసి నీరసపడ్డారు.

ఎంత మందికి గాయాలయ్యాయి మురళీ?
ఎక్కువ మంది ఎమీ గాయపడలెదు స్వప్నా,ఒక 5-6 గురు వున్నటున్నారు అంతె.

క్షతగాత్రుల సంఖ్య ఖచ్చితం గా తెలియట్లేదా మురళీ?
ఇప్పుడె చెప్తాను స్వప్నా,అంటూ గాయపడిన ఒక ప్రయాణీకుది దగ్గరకి వెళ్తాడు,కవచకుండలంతొ(చేతిలో మైకు తో)

చెప్పండి,మీతొ పాటు ఎంత మంది వున్నారు ఆటో లో?
ఎమొనండీ,నెను ఆటో ఎక్కిన 5 నిమిషాలకె బొల్తా పడింది,అంటూ చెతికి తగిలిన దెబ్బలు మంట పెడుతొంటె విసుగ్గ మొహం పెడతాదు.
దెబ్బలు బాగ తగిలాయా మీకు?
పెద్ద దెబ్బలు ఎమీ కాదు కానీ,బాగానె గీరుకుపొయాయి అంటూ లెవబోతాడు,

దెబ్బలు బాగా నెప్పెడుతున్నాయా అంటూ మరొక ప్రశ్న దూసుకువస్తుంది,ఇంతలో గాయపడిన పెద్ద మనిషి విసురుగా వచ్చి రిపోర్టర్ చొక్క పట్టుకుని,ఇప్పుడు చెప్పు,నువ్వు ఉలిక్కిపడ్డావ లెదా?కెమేరా మాన్ కెమేరా ఆఫ్ చెయ్యబొతోంటె కెమేరా లాక్కుని గాయపడీన ప్రయాణీకుడికి ఇస్తాడు.
చెప్పు,భయపడ్డావా లెదా?

రి)వణుకుతూ......అవును పడ్డాను

నీ చొక్కా నెను గట్టిగా పట్టుకున్నానా,వదులుగానా?

రిపోర్టర్ బిత్తరపొతాడు ఆ ప్రశ్న కి,కానీ చెప్పు రా గర్జనతో ఈ లోకం లొకి వస్తాడు.

"గట్టిగానే" అంటూ జవాబిస్తాడు.

నీకు కొంచెం భయం వేస్తొందా,ఎక్కువా?మరో ప్రశ్న దూసుకువస్తుంది

రిపోర్టర్)బాగా భయం వేస్తొంది,అయినా ఎమిటీ ఈ దౌర్జన్యం?

ఎవరిది రా దౌర్జన్యం?దెబ్బలు తగిలి మేము కుయ్యొ మొర్రో అంటొంటె మీకు ఖచ్చితమయిన లెక్కలు కావాలా?
దెబ్బలు నొప్పెడతాయో లెదో నీకు తెలీదా?ఇప్పుడు చెప్పు,అంటూ కెమేరా వైపు తిరిగి,"నెను నిన్ను మొదటిసారి చొక్క పట్టుకున్నప్పుదు నీ ఫీలింగ్ ఏమిటి?"
"చాల భయం వెసింది " వణుకుతూ చెప్తాదు మన రిపోర్టరు.
"ఎమయినా అరాచక శక్తుల కుట్ర అనుకున్న్నావా లెక ఏదయినా టీవీ వాళ్ళు పెట్టె సరదా లైవ్ షో అనుకున్నావా?అసలు నీకు నెను నీ చొక్క మీద చెయ్యి వెయ్యగానే అనిపించింది?

రిపోర్టర్ కి మాట రాక బిత్తర చూపులు చూస్తూ వుంటాడు.


ఇలాగె వుంటుంది రా ఎవరికయినా,షాక్ లొ వున్న వాళ్ళని చచ్చు ప్రశ్నలు అదుగుతావా ఎప్పుడయినా అంటూ గుడ్లురిమి చూస్తాడూ.వెధవ టీవీలూ,వెధవ రిపోర్టింగూ అంకుంటూ,తన కాలికి తన చొక్కా చింపుకుని కట్టు కట్టుకుని,మూగిన గుంపు లో నుండీ బయటకి వెళ్ళిపోతాడు.

Wednesday, January 28, 2009

Saradaaki---2

సమయం ఉదయం ఏడు గంటలు.టీవీ 9.5 ఉదయం కాఫీ కార్యక్రమం ప్రసారం అవుతోంది.24 గంటల ప్రసారాల పెరుతొ చీమ చిటుక్కుమన్నా కానీ వార్త ప్రసారం అయిపోతోంటె ఇంక వార్తలు ఎముంటాయి కనుకపొద్దున్నే కొత్తగా చెప్పటానికి..అయినా కానీ ఉన్నతమయిన సమాజం కొసం పనిచేస్తున్నాము అని చెప్పుకుంటున్నారు కాబట్టి ఎదొ ఒకటి వార్త అందించాల్సిందె.ఆ ధర్మానికి కట్టుబడి సదరు యాంకరు గారు రోడ్డు మీద నిలబడి చలికి వణుకుతూ రిపోర్టింగ్ మొదలెట్టెసాడు.
"చూడండి రోడ్డుమీద ఒరుకులు పరుగులు పెట్టే జనాలని,వీళ్ళలొ సగం మంది కాఫీ తాగకుందానె ఇళ్ళలోనుండి బయటకి వచ్చారు,కాఫీ పొడి,పాల ధరలు ఇలా మండిపొతోంటే వాళ్ళు మాత్రం ఎలా తాగుతారు" అని చెప్పి వగరుస్తాడు.పొద్దున్నే నిద్ర మత్తులొ వుండె నాలాంటి వాళ్ళకి అర్ధం కాదు ఎమి చెప్పాడని ఇప్పటివరకు సదరు యాంకరు గారు అలా వగర్చటానికి.
కాఫీ పొడి,పాలపొడి ధరలు విపరీతం గా పెరుగుట వల్ల రాష్త్రం లొ ముప్పవు మంది పొద్దున్నే కాఫీ చుక్కయినా తాగకుండా రొడ్డు మీదకి వచ్చెస్తున్నారు,దీని మీద మరిన్ని వివరాలు బ్రేక్ తరువాత అంటూ ఒక నవ్వు విసురుతారు న్యూస్ రీడరుగారు. అంధ్ర దెశం లొ ఎదో ఒక రోడ్డు మీద పొయే జనాలని చూపించి రాష్త్రం లొ ముప్పవు శాతం మంది అని న్యూస్ రీడరుగారు ఎలా చెప్పగలిగారో నాలాంటి వాళ్ళకి చచ్చినా అర్ధం కాదు.అసలు వాళ్ళు కాఫీ తాగలెదు అని వీళ్ళకి ఎలా తెలిసిందబ్బా అని ఒక దౌటు వచ్చింది నాకు.బ్రేక్ తరువాత అన్నారు కదా అంటూ ఒక 10 నిమిషాలు అలా టీవీ లొ వచ్చె యాడ్స్ చూస్తూ గడిపా.ఎదురుచూసిన సమయం రానె వచ్చింది.
వెల్కం బ్యాక్ అంటూ న్యూస్ రీడరుగారు మళ్ళీ ఒకసారి ఆనాటి(ఆ 10 నిమిషాల అంటె బాగుంటుందెమొ)తల గీతలని(హెడ్ లైన్స్ అండీ బాబూ)చదివి వినిపించింది భారీ మ్యూజిక్ వెనకాల నుండి వినిపిస్తొంటే.ఆ సౌండ్ కి నిన్ననె తెచ్చుకున్న మా కుక్కపిల్ల ఉలిక్కిపడి నా ఒడిలొ వచ్చి కూర్చుంది. కాఫీ పొడి,పాలపొడి ధరలు విపరీతం గా పెరుగుట వల్ల రాష్త్రం లొ ముప్పవు మంది పొద్దున్నే కాఫీ చుక్కయినా తాగకుండా రొడ్డు మీదకి వచ్చెస్తున్నారు అని ఇందాకా చెప్పుకున్నాము కదా,అసలు ఇలా ఎందుకు అవుతొంది దీనికి గల కారణాలు ఎమిటి(ఈ రెండు వాక్యాలకి తెడా తెలిస్తె నాకు చెప్ప మనవి)అని వివరించటానికి మా ప్రతినిధి ఆయాసరావు రెడీ గా వున్నాడు,ఆయానని అడిగి వివరాలు తెలుసుకుందాము అంటూ సదరు ప్రతినిధి కి లైను కలిపి హలో ఆయాసరావు,అనగానె అటు నుండి యస్ కంగారమ్మా,అని రిప్లై వస్తుంది.రాష్త్రం లొ ముప్పవు మంది.....................మా ప్రేక్షకులకి వివరిస్తారా అని అంటూ వుండగానె ఆయాసరావు ఒక శాల్తీతొ ఇంటర్వ్యూ మొదలెట్టెస్తాడు. ఈరొజు మనతొ మాట్లాడటానికి గ్రేటర్ హైదరాబాదు వినియోగదారుల సంఘం కన్వీనర్ శ్రీ వినిమయరావు గారు వున్నారు,వినిమయరావుగారూ,రాష్త్రం లొ ఇలా కాఫీ,పాల ధరలు పెరగటానికి కారణాలు ఏమయ్యి వుండచ్చు అని మీరు అనుకుంటున్నారు అనగానె,ఆ మనిషి తన కండువాని సరిచెసుకుంటూ,"ఈరోజు మన రాష్త్ట్రం లొ దుష్ట పాలన నడుస్తొంది,కాఫీ,పాల ధరలు భూముల ధరల లాగ అమాంతం పెరిగిపోయాయి గత 5 సంవత్సరాలలొ.మొన్న అక్షరధాం లో,నిన్న ముంబై లొ మరి నేడు ఎక్కడ పేలుడు జరుగుతుందో అనుకుంటూ ప్రజలు బిక్కు బిక్కుమంటున్నారు.మొన్నటికి మొన్న మన నగరం నడిబొడ్డున బాబ్బులు పేలితె ప్రభుత్వం ఏమి చెస్తోంది? ఆడ కూతుర్లకి రక్షణ అన్న మాట కరువు అయిపొయింది ఈ రొజుల్లొ.బయటకి వెళ్ళిన ఆడ కూతురు ఇంటికి తిరిగి వచ్చెవరకు కంగారు పడె దుస్థితి నేటి తల్లితండ్రులది మన రాష్త్రంలొ.యాసిడ్ దాడులు,ఇతరత్రా అత్యాచారాలు పెచ్చు మీరి పొతున్నాయి" అంటూ ఆయాసం తీర్చుకొవటానికి ఆగి సదరు నాయకుడు ఇచ్చిన అవకాసన్ని యాంకరు చటుక్కున అంది పుచ్చుకుని,వినిమయరావు గారు చెప్పిన కారణాలే కాకుండా ఇంకా అనెక కారణాలవల్ల రాష్త్రం లొ ధరలు పెరిగిపొతున్నాయి అంటూ తన స్తైల్లో ఆయాసపడిపొతూ రిపోర్టింగ్ ముగిస్తాడు. ఎప్పుడూ టీవీ లొ మాట్లాదె అవకాశం రాని వినిమయరావు అదరగొట్టెసాను అనుకుంటూ జబ్బలు చరచుకుని,మరో కార్యక్రమానికి తయారు అయిపొతూ వుంటాడు.
సూపర్ రిపోర్టింగ్ అని సదరు చాన్నల్ యజమాన్యం యధావిధి గా సంబర పడుతుంటె,నా బోటి వారు మాత్రం అలా పిచ్చి చూపులు చూస్తూ వుంటారు కాన్సెప్ట్ ని అర్ధం చెసుకొవటానికి.
ఇంతలో పెద్ద శబ్దంతో మళ్ళీ న్యూసు తల గీతలు,మా కుక్క పిల్ల మళ్ళీ జంపు నా మీదకి,ఎప్పుడు అలవాటు అవుతుందొ పిచ్చి ముండకి.

Sunday, January 11, 2009

Saradaaki

మనము సాధారణంగా పిల్లలని ఎలా మన పనులతొ ఇబ్బందులు పాలు చేస్తామో చెప్పటానికె ఈ సరదా రచన.

పిల్లవాడు పుట్టిన 11 వ రోజు నుండి ఇంక ఈ అంకాలు ప్రారంభము అవుతాయి.మొదటి సీను---పిల్లాడికో,పిల్లకో నామకరణమో,వుయ్యాలలో వెయ్యడమో వుంటుంది సాధారణంగా
ఆరొజున.ఇంక ఆరొజు చూడాలి పిల్లల అవస్థ.ఎవరి తాహతు కి తగ్గట్లు వాళ్ళు మగపిల్లవాడికి అయితె రెడీ మేడ్ పంచెలొ,లాల్చీ పైజమాలో ,షేర్వానీలొ వేస్తారు.
పాపం వాటికుండే ఎలాస్టిక్ ఆ చిన్ని ప్రాణానికి ఎంత విసుగు తెప్పిస్తుందో.ఇంక ఆడ పిల్లలకయితె కుచ్చుల ఫ్రాకులొ,లెదా పట్టు పరికిణీలో వేసి తమ ముచ్చట తీర్చెసుకుంటూ ఆ పసిప్రాణానికి ముచ్హెమటలు పట్టిస్తారు.
పిల్లకయినా,పిల్లడికయినా తాతయ్య వెసె మెడలొ చైను ,అమ్మమ్మో,న్ననమ్మో పెట్టే ఉంగరమొ వుండనేవుంటాయి.
పొనీ ఇవన్నీ వేస్తె వెసారు హాయిగా నిద్ర పొనిస్తారా అంటె అదీ లేదు.ఆ పసిప్రాణాన్ని ఎత్తుకుని ఎవరికి వారె తమకు తొచిన పొలికలు చెప్తూ వుంటారు.

అచ్చు వాళ్ళ నాన్న ముక్కే నాకు తెలీదూ వాళ్ళ న్నాన్న ఎలా వుండేవాడొ అంతుంది పిల్లవాడి నాన్నకి వెలు విదిచిన మెనత్త.

డబ్బాలో గులకరాళ్ళు పొసి గిలకరిచ్చినట్లుడే ఆవిడ కంఠానికి పసిప్రాణం జడుసుకోవటం ఖాయం.



సీను 2--అన్నప్రాశన.ఈది ఇంకొక పజిలు పసిప్రాణాలకి.పుస్తకాలు(ఇప్పుడు ల్యాప్ టాప్ కూడా పెడుతున్నారులెండి లేటెస్ట్ గా),డబ్బులు,తినుబండరాలు,కత్తి తదితర వస్తువులు పెట్టి అందరూ తలో దిక్కు
నుండీ 'నాన్నా','కన్నా','పండూ','ఛిట్టీ','పొట్టీ' 'టింకూ'
అని పిలిచి గనదరగొళపరుస్ఠొంటే పాపం మన కాండేటు కి ఎటు వెళ్ళాలో అర్ధం కాదు.

పిల్లడి(పిల్ల) తండ్రి కేమో పిల్లడు(పిల్ల) పెన్ను లేదా పుస్తకాలు పట్టుకుంటే బాగుండనిపిస్తుంది.అందుకే వాటిని వీలయినంత ఎట్ర్రక్టివ్ గా పట్టుకుని పసి ప్రాణాన్ని ఎట్రాక్ట్
చేస్తూవుంటాడు.తనకి మిస్సయిన ఇంజనీరింగు లేదా డాక్టరు సీటొ అర్జంటుగా పిల్లడు(పిల్ల)తెచ్చుకోవాలి కాబోలు.



పిల్లడి మనసేమొ ఆట వస్తువుల మీద వుంటుంది.

ఇంకొకరేమో డబ్బుల పళ్ళాన్ని దగ్గరకి జరుపుతూ ఇటూ ఈటూ అంటూ చప్పట్లతొ పసిప్రాణాన్ని ఊదరగొట్టెస్తారు.


ఆటవస్తువులు,లెదా తిండి పదార్ధాలని ముట్టుకొవడం ఈకాలం తల్లితండ్రులు,తాతయ్యలు,మామ్మలు ఏమాత్రం సహించలేరు.


నిజంగా తింటూ కూర్చుని చదువు లొ ఎక్కడ వెనకపడిపొతాడో,లెదా ఆటల్లో మునిగి ర్యాంకు పొగొట్టుకుంటాడొ అని భయం.


ఇక అసలు ప్రహసనం పిల్లడి(పిల్ల)నొట్లొ కాస్త పరవాన్నమో పాయసం రాయడమొ అన్నమాట.

కొత్త రుచి,అందులోనూ పెద్దల హడావిడి,వెరాసి పిల్ల్లకి విసుగు వస్థుంది.అయినా సరె వచ్చిన

ప్రతీ ఒక్కరూ తు.చ.తప్పకుండా పిల్లవాడు నొరు పక్కకి తిప్పుకున్నా సరె నొట్లొ రాసి వెళ్ళల్సిందె.



ఇంక మరో అంకం---



పిల్లడికో పిల్లకో సంవత్సరం లోపు టాటా,బై బై చెప్పడం నెర్చుకుంటారు(నేర్పిస్తారు).ఇంక ఇంటి గడప తొక్కిన ప్రతీ వాడికీ ఈ విద్యా ప్రదర్శన వుండాల్సిందే.


ఒకోసారి పిల్లడు(పిల్ల)అప్పుదే నిద్ర లెస్తాడు,అప్పుడే ఇంటికి వచ్చిన మామయ్యొ అత్తయ్యొ వెళ్తూవుంటారు.

'నాన్నా','తల్లీ' టాటా చెప్పు,బై చెప్పు అంటారు ముద్దుగా ముందర.ఆ పసిప్రాణం ఏమో ఏమీ పట్టించుకోకుండా కళ్ళు నులుముకుంటూ వుంటుంది.


'చింటూ' బాయ్ చెప్పు అంటుంది మళ్ళీ అమ్మ గట్టిగా. ఆ మాటకి ఉలిక్కిపడి బిక్క మొహం వేయడం పిల్లడి వంతు.
టాటా చెప్పకపొతే తాట తీస్తా అన్న శాసనం వుంటుంది ఆ మాటలో అన్నమాట.

పిల్లడు కానీ పిల్ల కానీ ఎప్పుడయినా టీవీ లొ వచ్చె మ్యూజిక్ కి కాళ్ళు లెదా చెతులు కదిపారా ఇంక అంతే.

పదే పదే ఆ పాట పెట్టి కన్నా చిట్టీ డాన్స్ చెయ్యి అని ప్రాణం తీయుట ఖాయమని నేను హామీ ఇస్తున్నాను.


అప్పుడు వారు చెసారా సరే లెడంతే అదేదొ తప్పు అయినట్లుగా తల్లి లెదా తండ్రి సంజాయిషీలు ఇస్తూ వుంటారు,వాడికి మూద్ బాగాలెదనో,పిల్ల ఇప్పుడే నిద్ర లేచిందనో.

ఏదో ఈ గోల పడలేక కాస్త చెతులూ కాళ్ళొ ఆడిస్తె,ఇదేమిటి ఇంకా ఇరగదీస్టాడు అని అనడం వింటూనె వుంటాము.

ఇంక అసలుది మొదటి పుట్టినరోజు న వుంటుంది....వచ్చిన ప్రతీవాడూ పసిప్రాణం నోట్లొ

కేకు ముక్క కుక్కుతూనె వుంటారు.తినకపొతె చిట్టీ పొట్టీ అని పిలిచి మరీ కాస్త నాలుకకి అయినా రాసిపొతారు,పెట్టకపొతె ఏదొ పాపం అన్నట్లుగా.

ఇక అందరూ తూచా తప్పకుండా చెసేడి అక్షింతలు వెయ్యటం.,కాస్త కుంకుమ పుయ్యటం.

ఆ పసిప్రాణానికి ఎంత విసుగు పుడుతుండో పాపం ఆ అక్షింతలు గుచ్చుకుని.


సంవత్సరం దాటిన పిల్లలని ప్రీ స్కూలు అనబడె జళ్ళాలొ వెయ్యడం చూస్తున్నాము.

(అన్ని ప్రీ స్కూలు జైళ్ళు కావు అని మనవి).అక్కడ అమ్మలా లాలించి హాయిగా ఆడుకునె వాతావరణన్ని

కల్పించె స్కూల్లు బహు తక్కువ.3 సంవత్సరాలు దాటితె చాలు ఏ,బీ,సీ,డీ లు నెర్పించెస్తారు.

ఏ ఫర్ యాపిల్ అని పిల్లాడు చెప్పకపొతె వెనకబడినట్లు లెక్క అన్నమాట.ఈ జైళ్ళకి తొదు సని ఆదివారాలలూ స్పెషల్ చ్లాసులు ఒకటి.3 యేళ్ళ పిల్లవాడు ఎమి చెయ్యగలదు అని ఆలొచించకుండా
తీచరు చెప్పినట్లు గియ్యలెదని క్లాసు బయటకి రాగానె తొడ పాసం పెట్టడమొ,చెవి మెలి వెయ్యడమొ చెయ్యని పేరెంట్స్ ఎంత మంది చెప్పండి.ఇంక భవిష్యత్తు లొ టైము అసలు రాదు కాబొలు పిల్లవాడు అర్జెంటు గా పికాసో అయ్యిపొవాలి అన్నమాట.

ఇంక ఆటలకి తీసుకెళ్ళె తల్లితంద్రులు బహు కొద్ది మంది మాత్రమె అని మనవి.ఆ తీసుకుళ్ళే వాళ్ళు కూడా అదెదొ స్టటుస్ సింబల్ అన్నట్లు గా తీసుకెళ్తున్నారు ఈ మధ్య.లెదా పిల్ల/పిల్లడు ప్రాక్తీసు మొదలేట్టిన కొద్ది రొజులకె సానియా నో సచినో అయిపొవాలి అని అనుకుంటూ వుంటారు.

(మళ్ళీ కలుస్తా)